Komiteti për Punë të Jashtme i Dhomës së Përfaqësuesve në Shtetet e Bashkuara e mirëpriti vendimin e Bashkimit Evropian për nisjen e bisedimeve të anëtarësimit me Shqipërinë dhe Maqedoninë e Veriut, por kërkoi që edhe Kosovës t’i liberalizohen vizat me vendet e BE-së.
“Urime për Shqipërinë dhe Maqedoninë e Veriut për vendimin e BE-së për të nisur bisedimet. Edhe në këtë kohë të vështirë është mirë që BE-ja t’i mbajë premtimet e saj për të nisur procesin e anëtarësimit me partnerët tanë në Ballkan”.
“Por, BE-ja gjithashtu duhet të mbajë premtimin e saj për Kosovën, që t’i ofrojë liberalizimin e vizave. Kosova i ka plotësuar të gjitha kushtet dhe meriton të trajtohet njëjtë sikurse fqinjët e saj”, thuhet në një postim në Twitter të Komitetit për Punë të Jashtme, që kryesohet nga kongresisti Eliot Engel.
Komentet vijnë në kohën kur e gjithë bota po përballet me pandeminë e sëmundjes COVID-19, të shkaktuar nga një koronavirus i ri.
Më 24 mars, Këshilli për Çështje të Brendshme i BE-së e miratoi hapjen e bisedimeve për anëtarësim në BE të Tiranës dhe Shkupit.
Kosova aktualisht është vendi i vetëm në rajon, qytetarët e së cilës nuk mund të udhëtojnë pa viza në Zonën Shengen të BE-së.
House Foreign Affairs Committee✔@HouseForeign
Congratulations to #Albania and #NorthMacedonia on the EU agreeing to open accession talks. Even in these difficult times, it’s good that the EU is keeping its promise to start the membership process with our Balkan partners.https://www.rferl.org/a/after-years-of-delay-north-macedonia-albania-get-ok-to-begin-eu-accession-talks/30507053.html …After Years Of Delay, North Macedonia, Albania Get OK To Begin EU Accession TalksEuropean Union ministers say they have approved beginning membership talks with North Macedonia and Albania, with a top German official calling it “good news in these gloomy times.”rferl.org266:26 PM – Mar 25, 2020Twitter Ads info and privacySee House Foreign Affairs Committee’s other Tweets
