Kombinati “Trepça”, së shpejti shoqëri aksionare

22.02.2019 09:08
Rreshtat+- AShkronjat+- Printo
Kombinati “Trepça”, së shpejti shoqëri aksionare

Autoritetet kompetente në Kosovë thonë se janë në grumbullim e sipër të të gjitha dokumenteve të nevojshme për të bërë regjistrimin e kombinatit metalurgjik “Trepça” si shoqëri aksionare.

Kombinati metalurgjik “Trepça”, gjendet në Komunën e Mitrovicës. Sektorët e tij gjenden në pjesën veriore dhe atë jugore të qytetit.

Andaj, dokumentacioni për regjistrimin e kësaj ndërmarrjeje po kërkohet edhe nga pjesa tjetër e “Trepçës” në veri.

Regjistrimi i “Trepçës”, pason miratimin nga Kuvendi i Kosovës javë më parë të statutit të “Trepçës”, që i hapi rrugë regjistrimit të ndërmarrjes si shoqëri aksionare, ku 80 për qind e aksioneve janë të Qeverisë së Kosovës dhe 20 për qind janë aksione të punonjësve të “Trepçës”.

Kryeministri i Kosovës, Ramush Haradinaj, ditë më parë në ceremoninë e shënimit të 30-vjetorit të Grevës së Minatorëve në Stantërg, ka kërkuar që sa më shpejt të dorëzohen të gjitha materialet e nevojshme për regjistrim të “Trepçës”.

Ai ka kërkuar edhe nga “Trepça” në veri që ta përgatisë të gjithë materien e nevojshme për të gjithë punëtorët në mënyrë që të drejtat e aksionarëve të zbatohen.

Lidhur me grumbullimin e dokumentacionit të nevojshëm për regjistrimin e “Trepçës”, kryetari i Bordit mbikëqyrës të ndërmarrjes, Ardian Syla, thotë për Radion Evropa e Lirë se planifikojnë që gjatë javës tjetër të grumbullohet i gjithë dokumentacioni, i cili mundëson pastaj regjistrimin e ndërmarrjes si shoqëri aksionare.

“Nuk ka asnjë problem në grumbullimin e dokumenteve, jemi në proces të grumbullimit të këtyre dokumenteve sipas kërkesave të Agjencisë së Regjistrimit të Bizneseve. Deklarata e kryeministrit i ka paraprirë asaj që të ketë një bashkëpunim më të shpejtë dhe të përfundohet më shpejt procesi pasi që është një interes i Qeverisë, si dhe është interes i punëtorëve që të bëhen pjesë e aksioneve ashtu siç parashihet me Ligjin për ‘Trepçën’”, thotë Syla.

Ai thekson se regjistrimi i “Trepçës” ka specifikat e veta, pasi që për herë të parë në Kosovë kemi një kompani e cila regjistrohet si shoqëri aksionare ku një pjesë e aksioneve janë të Qeverisë dhe pjesa tjetër e punëtorëve, në këtë rast minatorëve të “Trepçës”.

Qeveria e Kosovës po bën përpjekje që regjistrimi i “Trepçës” të bëhet sa më shpejtë, pasi që ka kundërshtuar që çështja e “Trepçës” të jetë pjesë e dialogut në Bruksel ndërmjet Kosovës dhe Serbisë.

Miratimi i Ligjit për “Trepçën”, në tetor të vitit 2016 dhe statuti i “Trepçës” javë më parë kishte nxitur reagimin e Beogradi zyrtar, pasi që këtë kombinat Serbia vazhdon ta konsiderojë si pjesë të ekonomisë së saj. Ata në vazhdimësi kanë kërkuar që çështja e “Trepçës” të futet në dialog me Serbinë.

Zëdhënësja e Bashkimit Evropian, Maja Kocijançiq, kishte deklaruar “sa i përket çështjes se a është ‘Trepça’ pjesë e dialogut, Bashkimi Evropian, si ndihmës i procesit ka qenë gjithmonë i qartë që rendi i ditës në dialog përcaktohet nga Beogradi dhe Prishtina”.

Haki Shatri, këshilltar për ekonomi i kryeministrit të Kosovës, Ramush Haradinaj, thotë për Radion Evropa e Lirë se është kërkesë e Qeverisë që bordi i “Trepçës” të mos neglizhojë këtë çështje dhe sa më parë të mbledhë dokumentacionin e nevojshëm për regjistrimin e “Trepçës” si shoqëri aksionare.

“Kryeministri Ramush Haradinaj ka kërkuar që të mblidhet dokumentacioni i nevojshëm për t’u regjistruar ‘Trepça’ si shoqëri aksionare, është kërkuar të përshpejtohet procesi, pasi që nuk ka arsye të ketë vonesa. Baza ligjore është, statuti është aprovuar. Kryeministri e ka shtyrë përpara që të përfundojë ky proces në nivel qendror dhe tani është kompetencë e bordit të bëjë regjistrimin dhe të fillohet puna”, thekson Shatri.

Kombinati metalurgjik “Trepça”, gjendet në Komunën e Mitrovicës. Sektorët e tij gjenden në pjesën veriore dhe atë jugore të qytetit. “Trepça”, sot, brenda Kosovës, përbëhet prej 41 njësive të ndryshme, që grupohen kryesisht në tri komplekse të mëdha: në miniera me flotacione, në parkun industrial në Mitrovicë dhe në kompleksin e shkritoreve.

“Trepça” ishte në mesin e ndërmarrjeve më të mëdha në ish-Jugosllavi, por tani ajo po përballet me nivel të ulët të prodhimit, vështirësi të mëdha financiare dhe me mosmenaxhim të duhur.

Autoritetet në Kosovë kanë bërë të ditur se pas regjistrimit të ndërmarrjes si shoqëri aksionare, do të fillohet me zhvillimin dhe rimëkëmbjen e kësaj ndërmarrjeje.

Komentet

Komente

Sqarim: Ndalohen fyerjet dhe përdorimi i gjuhës ofenduese. INFOSOT mban të drejtën e publikimit ose jo të një komenti të caktuar. Përmbajtja e komenteve nuk pasqyron, qëndrim editorial të redaksisë së portalit INFOSOT. Ju faleminderit për mirëkuptimin!


Deda: Qeverinë mund ta rrëzonim në qershor, po presim zgjedhjet në LDK

Deda: Qeverinë mund ta rrëzonim në qershor, po presim zgjedhjet në LDK

Policia me masa shtesë gjatë sezonit veror

Policia me masa shtesë gjatë sezonit veror

Kryeministri Haradinaj ka një apel të rëndësishëm për bashkatdhetarët

Kryeministri Haradinaj ka një apel të rëndësishëm për bashkatdhetarët

Shqipëria – 25 mijë euro për Bujanocin, Serbia 40 milionë për serbët e Kosovës

Shqipëria – 25 mijë euro për Bujanocin, Serbia 40 milionë për serbët e Kosovës

Maloku pasi u ftua nga Tribunali: Djemtë e mi i nxora jashtë vendit, s’munda t’iu sigurojë kushte në Kosovë

Maloku pasi u ftua nga Tribunali: Djemtë e mi i nxora jashtë vendit, s’munda t’iu sigurojë kushte në Kosovë

A do të mbahet ‘Beer Fest-i’ i radhës në Prishtinë?

A do të mbahet ‘Beer Fest-i’ i radhës në Prishtinë?

Veseli dorëzon kërkesën për themelimin e Komisionit që heton Listat e Veteranëve

Veseli dorëzon kërkesën për themelimin e Komisionit që heton Listat e Veteranëve

Haradinaj i reagon Zaevit: Askush s’do ta ndajë Kosovën

Haradinaj i reagon Zaevit: Askush s’do ta ndajë Kosovën

Lajmi i fundit: Naim Malokun e kontakton Gjykata Speciale

Lajmi i fundit: Naim Malokun e kontakton Gjykata Speciale

Vetëvendosje kërkon largimin e Thaçit nga presidenca, pasi Zaev zbuloi detaje për ndarjen e Kosovës

Vetëvendosje kërkon largimin e Thaçit nga presidenca, pasi Zaev zbuloi detaje për ndarjen e Kosovës

Si kishte rënë Ramush Haradinaj në kurthin e dy komedianëve rusë sikurse miku i tij Zaev

Si kishte rënë Ramush Haradinaj në kurthin e dy komedianëve rusë sikurse miku i tij Zaev

Adoleshenti amerikan dënohet me burgim të përjetshëm, ia kishte hequr kokën shokut të vet

Adoleshenti amerikan dënohet me burgim të përjetshëm, ia kishte hequr kokën shokut të vet

Miliarderi amerikan akuzohet për trafikim vajzash

Miliarderi amerikan akuzohet për trafikim vajzash

Lajmi i fundit: Serbia thotë se pamundësoi pranimin e Administratës Tatimore të Kosovës në IOTA

Lajmi i fundit: Serbia thotë se pamundësoi pranimin e Administratës Tatimore të Kosovës në IOTA

Ministri i Jashtëm i Bosnjës, taksën nga Kosova e konsideron goditje të rëndë

Ministri i Jashtëm i Bosnjës, taksën nga Kosova e konsideron goditje të rëndë

Ambasada amerikane në Beograd kërkon ndriçimin e vrasjes së vëllezërve Bytyçi

Ambasada amerikane në Beograd kërkon ndriçimin e vrasjes së vëllezërve Bytyçi