Kjo javë përcaktuese për inicimin e shpërbërjes së Kuvendit të Kosovës

30.07.2019 09:40
Rreshtat+- AShkronjat+- Printo
Kjo javë përcaktuese për inicimin e shpërbërjes së Kuvendit të Kosovës

Përderisa pritet thirrja për konsultime nga ana e presidentit të vendit për dalje nga situata e krijuar politike, Lëvizja Vetëvendosje paralajmëron se shumë shpejt do të iniciojë shpërbërjen e Kuvendit.

Nisma e tillë nuk përjashtohet gjatë kësaj jave, ani pse ata duan të respektojnë edhe procesin e zgjedhjeve të brendshme në LDK, që mbahen këtë fundjavë.

Në rast se ka vonesa nga ana e presidentit për fillim të konsultave me partitë politike, për tejkalimin e kësaj situate, atëherë Vetëvendosje do të iniciojë shpërbërjen e Kuvendit dhe vendi të shkojë në zgjedhje. Rexhep Selimi, deputet i Vetëvendosjes, ka thënë për Radio Kosovën se e rëndësishme është gatishmëria e partive politike për shkuarje në zgjedhje.

“Atëherë, nëse të gjitha partitë politike janë deklaruar për zgjedhje, pse të mos shkojmë me shpërbërjen e Parlamentit dhe krijimin e situatës për zgjedhje të reja sa më shpejt. Por në anën tjetër është edhe një subjekt tjetër politik i cili ka zhvillime të brendshme, ndoshta po supozoj dhe po mendoj personalisht se ishte dashur ta presim edhe reagimin e tyre, sepse ata në fund të kësaj jave kanë zgjedhje”, tha ai.

Por, pavarësisht zgjedhjeve të brendshme në LDK, inicimi për shpërbërje të Kuvendit mund të ndodhë edhe para 3 gushtit, thotë Selimi.

“Po mundet edhe para 3 gushtit, ne nuk e përjashtojmë, por në ditët në vijim ne do ta bëjmë një gjë të tillë”, tha ai.

E nga LDK-ja nuk u deklarua askush rreth idesë për shpërbërjen e Kuvendit, përderisa nënkryetari i AAK-së,Ahmet Isufi, thotë se janë të gatshëm për një gjë të tillë, ani pse beson se edhe konsultat do të fillojnë së shpejti:

“Jemi të gatshëm që të deklarohemi për shpërbërjen e kuvendit, sepse situata e krijuar kërkon urgjencë për ndryshimin e gjendjes”, tha ai.

Kurse Shqipe Pantina, nga PSD-ja, thotë se Lëvizje Vetëvendosje tash një vit flet për shkarkim të qeverisë, por asnjëherë nuk e ka ndërmarrë një nismë të tillë. Ajo tha se po presin nëse do të ketë thirrje për konsulta nga ana e presidentit, në të kundërtën do të shkojnë me shpërbërje të Kuvendit:

“Ne nuk jemi për deklarata populiste e pompoze, kur e dimë që nuk janë të realizueshme, ne po presim presidentin nëse ai do ta arrijë një pajtueshmëri fillimisht me partitë e koalicionit PAN, sepse ata e kanë të drejtën për të prezantuar edhe një kandidat të ri, edhe pse është vështirë që të gjendet votëbesimi, përveç nëse AAK dhe Lista Serbe pajtohen, nëse jo, ne, edhe në koordinim me subjektet e tjera në Kuvend, besoj se do ta arrijmë pajtueshmërinë dhe ta çojmë vendin në zgjedhje sa më parë”, tha ajo.

E kjo javë shihet si përcaktuese, nëse do të ketë konsulta me presidentin, apo deputetët me dy të tretat e votave, ta shpërbëjnë Kuvendin, në mënyrë që vendi të shkojë në zgjedhje të parakohshme, pas dorëheqjes së Haradinajt.

Komentet

Komente

Sqarim: Ndalohen fyerjet dhe përdorimi i gjuhës ofenduese. INFOSOT mban të drejtën e publikimit ose jo të një komenti të caktuar. Përmbajtja e komenteve nuk pasqyron, qëndrim editorial të redaksisë së portalit INFOSOT. Ju faleminderit për mirëkuptimin!


Konjufca zbulon se si do të ndahet pushteti në rast se arrihet koalicioni me LDK-në

Konjufca zbulon se si do të ndahet pushteti në rast se arrihet koalicioni me LDK-në

Osmani takohet me ambasadorin italian i cili shprehu gatishmërinë për përkrahjen e proceseve të rëndësishme në Kosovë

Osmani takohet me ambasadorin italian i cili shprehu gatishmërinë për përkrahjen e proceseve të rëndësishme në Kosovë

Osmani: Marrëveshja me Serbinë duhet ta ketë bekimin e SHBA-së

Osmani: Marrëveshja me Serbinë duhet ta ketë bekimin e SHBA-së

Ftesat e Gjykatës Speciale, veteranët paralajmërojnë protesta

Ftesat e Gjykatës Speciale, veteranët paralajmërojnë protesta

Fazli Behrami nga Brigada 113 “Mujë Krasniqi”, i ftuari i radhës nga Specialja

Fazli Behrami nga Brigada 113 “Mujë Krasniqi”, i ftuari i radhës nga Specialja

75 aktakuza për 24 orë

75 aktakuza për 24 orë

Aktakuzë për veprën penale cenimi i fshehtësisë së votimit

Aktakuzë për veprën penale cenimi i fshehtësisë së votimit

Migrimet ilegale, pengesë serioze për liberalizimin e vizave

Migrimet ilegale, pengesë serioze për liberalizimin e vizave

Gjuriq: Kurtit nuk i intereson paqja dhe stabiliteti në rajon

Gjuriq: Kurtit nuk i intereson paqja dhe stabiliteti në rajon

Ibrahim Gashi ftohet nga Specialja

Ibrahim Gashi ftohet nga Specialja

Vuqiq: S`ka njohje të Kosovës në kufijtë aktualë

Vuqiq: S`ka njohje të Kosovës në kufijtë aktualë

Policia jep detaje për trupin e pajetë në Gadime: Dyshohet se është i 23 vjeçarit të zhdukur

Policia jep detaje për trupin e pajetë në Gadime: Dyshohet se është i 23 vjeçarit të zhdukur

Pompeo: Trump, i gatshëm dhe për ndërhyrje ushtarake kundër Turqisë

Pompeo: Trump, i gatshëm dhe për ndërhyrje ushtarake kundër Turqisë

Haziri mohon se e thumboi Vetëvendosjen, thotë se janë afër marrëveshjes

Haziri mohon se e thumboi Vetëvendosjen, thotë se janë afër marrëveshjes

Tribunali Special po prek kokën e UÇK’së

Tribunali Special po prek kokën e UÇK’së

Sveçla paralajmëron Thaçin: Mund të përfundosh në burg

Sveçla paralajmëron Thaçin: Mund të përfundosh në burg