Kështu përshkruhet Jezu Krishti në Islam

24.12.2016 22:37
Rreshtat+- AShkronjat+- Printo
Kështu përshkruhet Jezu Krishti në Islam

Jezu Krishti është një figurë kryesore në Testamentin e Ri në Bibël, por ai vlerësohet edhe në Islam dhe ka një rëndësi të madhe në Kuran.
Në një video të lëshuar nga Business Insider tregohet qartë përshkrimi i Jezu Krishtit në Islam.

Në video thuhet:

“Myslimanët besojnë se Jezusi ishte një profet i Zotit. Njëjtë si  Muhamedi a.s kur përmendet emri i Jezusit ( Isa-it )duhet të pasohet thënia “Paqja qoftë mbi të”. Dhe ngjashëm , Islami dënon përshkrimin e Jezusit.

Myslimanët gjithashtu besojnë se Jezusi  pra Isa a.s do të kthehet në Tokë para Ditës së Gjykimit për ta rikthyer paqen dhe për ta mposhtur ‘Al-Masih Ad-Dajjal, apo Antikrishtin.

Njëjtë si të krishterët, myslimanët gjithashtu besojnë se Jezusi lindi nga Maria e virgjër. E njohur si Mejrem në Kuran, në librin e shenjtë të myslimanëve ekziston një kapitull i tërë dedikuar asaj transmeton Blic .

Kjo eshte historia e Mejrem “Dhe trego (o Muhamed) në Libër për Merjemen, kur u tërhoq nga familja e saj në një vend në lindje, duke e fshehur veten nga ata.  – ajo jetonte në lindje të Jerusalemit, larg syve të njerëzve. Ajo nuk lejonte askënd ta vizitojë dhe nuk vizitonte askënd. Të afërmit ia dërgonin ushqimin pranë derës dhe ajo e merrte më pas, ashtu siç merrte furnizim edhe nga vetë Zoti. Vetëm Zekeria a.s kishte të drejtë ta vizitojë. Në moshën pesëmbëdhjetë vjeçare, asaj i shfaqet Xhibrili a.s në dhomën ku ishte izoluar dhe adhuronte Zotin – Ne i dërguam Shpirtin Tonë, i cili iu paraqit asaj si një njeri i plotë. – ishte një njeri i hijshëm dhe pa asnjë të metë – Ajo i tha:“Unë kërkoj që të më mbrojë i Gjithëmëshirshmi prej teje, nëse i frikësohesh Allahut. – nëse beson dhe i frikësohesh Zotit, mos më prek me dorë – Ai tha: “Në të vërtetë, unë jam vetëm një i dërguar i Zotit tënd, që të të dhuroj ty një djalë të pastër.”Ajo tha: “Si mund të kem unë djalë, kur asnjë mashkull nuk më ka prekur e nuk jam as e pacipë?!” Iu përgjigj: “Kështu është! Zoti yt ka thënë: ‘Kjo për Mua është e lehtë. Ne do ta bëjmë atë shenjë për njerëzit dhe mëshirë nga ana Jonë’. Dhe kjo është punë e kryer.” (Merjem, 16-21)

Sipas transmetimeve të sakta, Xhibrili a.s i fryu Merjemes tek e çara e jakës nga pjesa e kraharorit, frymë e cila i depërtoi brenda dhe në çast ajo mbeti shtatzënë

 

Megjithatë, Islami mohon se Jezusi është mishërim i Zotit. Gjithashtu, në Islam besohet se ai nuk ishte kryqëzuar, por ishte ngritur në qiell i gjallë”.

Ngritja në qiell e profetit Isa a.s, është shenjë e Ditës së Kiametit

Një ndodhi të tillë të pazakontë, Zoti i lartësuar e ka shënjestruar si sinjal i afrimit të Ditës së Kiametit. Thotë Zoti në Kuran mbi këtë fakt:“Në të vërtetë, Isai është shenjë e Orës (së Kiametit), në ardhjen e të cilës mos dyshoni kurrsesi. Pra, ndiqmëni mua, kjo është rruga e drejtë!” (Zuhruf, 61)

Kështu u ngrit në qielli profeti Isa a.s, i cili vazhdon të jetë i gjallë dhe vetëm pak kohë para se të ndodhë Kiameti do të kthehet sërish në tokë. Ai do të kthehet për të vrarë Dexhallin. Thotë profeti Muhamed a.s në një hadith të transmetuar nga imam Ahmedi dhe Ebu Daudi:”Profetët janë vëllezër të një babai, i përkasin një feje dhe kanë nëna të ndryshme. Unë jam njeriu më i afërt me Isain birin e Merjemes, sepse mes tij dhe meje nuk ka asnjë profet tjetër. Ai do të kthehet dhe nëse e shihni, besojeni. Ai është as i gjatë dhe as i shkurtër, me fytyrë të bardhë që anon nga e skuqura, flokët i duken sikur i kullojnë ujë, edhe pse nuk i ka të lagura. Ai do të zbresë tek minarja e bardhë e xhamisë në Damask. Ai do të thyejë kryqin, do të vrasë derrin, anulon taksat, shfuqizon të gjithë fetë përveç islamit. Në kohën e tij, Zoti do vrasë dhe Dexhallin. Toka do të përfshihet nga drejtësia, saqë devetë do të kullosin me luanët, lopët me tigrat dhe delet me ujqërit, kurse fëmijët do të luajnë me gjarpërinjtë pa e dëmtuar njëri-tjetrin. Ai do të qëndrojë në tokë për dyzet ditë, pastaj do të vdesë. 

 

Komentet

Komente

Sqarim: Ndalohen fyerjet dhe përdorimi i gjuhës ofenduese. INFOSOT mban të drejtën e publikimit ose jo të një komenti të caktuar. Përmbajtja e komenteve nuk pasqyron, qëndrim editorial të redaksisë së portalit INFOSOT. Ju faleminderit për mirëkuptimin!


Haradinaj i gëzohet idesë së Veselit për unitet të partive

Haradinaj i gëzohet idesë së Veselit për unitet të partive

Telekomi me mbi 4 milionë euro humbje për tre muaj

Telekomi me mbi 4 milionë euro humbje për tre muaj

Veseli: Serbia t`i kthejë sa më shpejt në Kosovë trupat e të zhdukurve

Veseli: Serbia t`i kthejë sa më shpejt në Kosovë trupat e të zhdukurve

Kjo është platforma e Veselit për unitet politik për temat e mëdha

Kjo është platforma e Veselit për unitet politik për temat e mëdha

Drecun: Kosova gjithmonë do të jetë Serbi

Drecun: Kosova gjithmonë do të jetë Serbi

Hoti ‘Platformën konsesuale’ të Veselit e quan pafuqi të koalicionit

Hoti ‘Platformën konsesuale’ të Veselit e quan pafuqi të koalicionit

Haradinaj bën homazhe te përmendorja kushtuar personave të zhdukur

Haradinaj bën homazhe te përmendorja kushtuar personave të zhdukur

Kryeministri, letër redaktorëve të mediave për vizat

Kryeministri, letër redaktorëve të mediave për vizat

Qeveria me plan aksionar për adresimin e sfidave të Raportit të Progresit

Qeveria me plan aksionar për adresimin e sfidave të Raportit të Progresit

Serbia e vendosur: Nuk e lejojmë formimin e Ushtrisë së Kosovës dhe anëtarësimin në OKB

Serbia e vendosur: Nuk e lejojmë formimin e Ushtrisë së Kosovës dhe anëtarësimin në OKB

Cikaqi: Mbi 28 mijë fermerë kanë aplikuar për subvencione

Cikaqi: Mbi 28 mijë fermerë kanë aplikuar për subvencione

Iranianët goditen nga kriza e zhvlerësimit të valutës kombëtare

Iranianët goditen nga kriza e zhvlerësimit të valutës kombëtare

Sot do të bllokohen tri rrugët kryesore të Prishtinës

Sot do të bllokohen tri rrugët kryesore të Prishtinës

Digjet në veri një veturë me targa të Beogradit

Digjet në veri një veturë me targa të Beogradit

Së paku 14 agjenci drejt shuarjes

Së paku 14 agjenci drejt shuarjes

‘Tempujt tokësorë’: Çerdhet gjigante, që më së paku janë për shpezë (Video)

‘Tempujt tokësorë’: Çerdhet gjigante, që më së paku janë për shpezë (Video)