Aeroplani i Turkish Airlines u evakuua pas kërcënimit me bombë në “Köln Bonn Airport” të Gjermanisë.
Siç shkruajnë mediat e huaja, përcjell Telegrafi, aeroplani veçse ishte gati për të filluar fluturimin kur u urdhërua ndalimi emergjent, e më pas edhe evakuimi.
“Nga thirrja telefonike ishte e qartë se thirrësi po synonte një fluturim të Turkish Airlines”, ka thënë një zëdhënës i policisë për mediat gjermane.
Të gjithë 111 pasagjerët janë evakuuar dhe zyrtarët policorë kanë filluar operacionet e zbulimit.
