Keqpërodorime masive, u paguan 168 mijë euro për punë që kryhen me një kërkim në Google

29.02.2020 12:06
Rreshtat+- AShkronjat+- Printo
Keqpërodorime masive, u paguan 168 mijë euro për punë që kryhen me një kërkim në Google

Gazeta Express29/02/2020 12:03
Një raport i brendshëm i Ministrisë së Integrimit Evropian (MIE), që tashmë i ka shkuar edhe Zyrës së Kryeministrit, shpalos detaje për një kontratë tjetër të madhe të nënshkruar nga ish-ministrja Dhurata Hoxha në vitin 2019.

Në mesin dy kontratave të mëdha për lobim që u nënshkruan nga Dhurata Hoxha, sa ishte në krye të Ministrisë së Integrimit Evropian (MIE), është edhe ajo me kompaninë franceze “MAJORELLE PR & Event”.

Një dokument i brendshëm i MIE-së, të cilin e ka siguruar Buletini Ekonomik, tregon sesi kjo kompani u pagua 168 mijë euro për disa shërbime fare të thjeshta.

Aktiviteti kryesor i saj ishte që ta njoftonte ministrinë në baza mujore lidhur me atë se çfarë shkruanin mediat franceze për Kosovën.

“Nga raportimet e këtij operatori ekonomik për shërbimet e kryera në emër të MIE dhe natyrën e shërbimeve, dalin dyshime mbase të bazuara se a i’a ka vlejtë të paguhen 28,000.00 euro në muaj për shërbime të tilla (si p.sh. përcjellja e shtypit francez etj; se a e kanë përmendur ose jo Kosovën, etj;), gjë e cila do mund të bëhej edhe nga Kosova, me një kërkim të thjeshtë duke shkruar fjalën “Kosova” bashkë me datën përkatëse në google”, thuhet në këtë raport, që tashmë i ka shkuar edhe Zyrës së Kryeministrit.

Raporti është përgatitur pas ardhjes së Blerim Rekës në krye të Ministrisë së Integrimit Evropian.

Si aktivitet tjetër në raport përmendet “lobimi” i kompanisë për të sjellë në Kosovë gazetarë të huaj për përcjelljen e “Sunny Hill Festival” apo “Dokufest-in”.

“Madje s’kishin arritur të gjejnë interesim të duhur të mediave franceze; ndonëse për këto ngjarje në Kosovë kishin ardhur media nga e tërë bota, sidomos për t’a përcjelluar artisten Dua Lipa në “Sunny Hill Festival”, e të ngjashme. Tërë ky “aktivitet” i kompanisë lobuese franceze duket më tepër si një tallje dhe nënҫmim ndaj institucioneve të Republikës së Kosovës”, thuhet në raport.

Kjo është kontrata e dytë e kësaj ministrie qe ka për qëllim aktivitetet lobuese.

Një tjetër kontratë ishte nënshkruar po në vitin 2019, me kompaninë amerikane “Madison Global Strategies”.

Edhe në këtë rast, u konstatuan parregullsi në zbatim, derisa kompania në fjalë ka paralajmëruar edhe arbitrazh për Kosovën, me një pretendim prej 513 mijë euro.

Detajet e kontratës

Kjo kontratë 13 – faqëshe, nga MIE-ja është nënshkruar më datën 28.03.2019 nga Kushtrim Cukaj, Sekretar i Përgjithshëm i MIE-së, nga ish-ministrja e MIE-së, Dhurata Hoxha dhe nga Fitim Mustafa, Zyrtar përgjegjës i Prokurimit në MIE, ndërkaq nga pala franceze nga Sacha Mandel, Drejtor i Majorelle PR & Events.

Në raport saktësohet se kontrata është nënshkruar “bazuar në kërkesën e ministres së MIE, Dhurata Hoxha, të datës 19.02.2019, protokoluar në MIE më datë 21.02.2019”.

Vlera e përgjithshme e kontratës është 168.000 Euro dhe është lidhur për gjashtë muaj, apo me obligim pagese nga 28.000 euro në muaj.

Komentet

Komente

Sqarim: Ndalohen fyerjet dhe përdorimi i gjuhës ofenduese. INFOSOT mban të drejtën e publikimit ose jo të një komenti të caktuar. Përmbajtja e komenteve nuk pasqyron, qëndrim editorial të redaksisë së portalit INFOSOT. Ju faleminderit për mirëkuptimin!


63 mjekë kanë ndërruar jetë nga coronavirusi në Itali

63 mjekë kanë ndërruar jetë nga coronavirusi në Itali

Qeveria miraton Pakon Emergjente Fiskale, ja të gjithë përfituesit

Qeveria miraton Pakon Emergjente Fiskale, ja të gjithë përfituesit

Ish/ministri tash deputeti i Kosovës, u arrestua nga policia

Ish/ministri tash deputeti i Kosovës, u arrestua nga policia

Vetëvendosje: Tregoni Kryetarit të AAK’së se, personat e përmendur janë staf politikë, këshilltarë dhe asistentë

Vetëvendosje: Tregoni Kryetarit të AAK’së se, personat e përmendur janë staf politikë, këshilltarë dhe asistentë

PDK: VV po instalon frikën dhe po përgatitet për dhunë në Kosovë – të dënohet nga të gjithë

PDK: VV po instalon frikën dhe po përgatitet për dhunë në Kosovë – të dënohet nga të gjithë

Ministri i VV’së ushtron kallëzim penal ndaj Thaçit, “bëri thirrje që të mos respektohet vendimi për kufizimin e lëvizjes”

Ministri i VV’së ushtron kallëzim penal ndaj Thaçit, “bëri thirrje që të mos respektohet vendimi për kufizimin e lëvizjes”

Covid-19, nënshkruhet kontrata për ndihmën 5 milionëshe nga BE-ja për Kosovën

Covid-19, nënshkruhet kontrata për ndihmën 5 milionëshe nga BE-ja për Kosovën

Në Istog nuk ka të prekur me COVID-19, rastet e dyshuara dolën negative

Në Istog nuk ka të prekur me COVID-19, rastet e dyshuara dolën negative

Tahiri: Bahtiri e Kurti duhet ta kuptojnë se Kosova nuk është pjellë e fantazisë diktatoriale e fashiste

Tahiri: Bahtiri e Kurti duhet ta kuptojnë se Kosova nuk është pjellë e fantazisë diktatoriale e fashiste

Hoti: Presidenti obligohet ta përfillë Kushtetutën për themelimin e Qeverisë së re

Hoti: Presidenti obligohet ta përfillë Kushtetutën për themelimin e Qeverisë së re

Agim Bahtiri: Gjithmonë kam bërë thirrje për paqe, unë jam i paqes

Agim Bahtiri: Gjithmonë kam bërë thirrje për paqe, unë jam i paqes

Haziri viziton familjen Shaqiri në Vrapçiq, ua rikonfirmon mbështetjen për ta tejkaluar këtë sfidë

Haziri viziton familjen Shaqiri në Vrapçiq, ua rikonfirmon mbështetjen për ta tejkaluar këtë sfidë

“Sa më fort të rezistojmë sot, aq më e butë do jetë ngjitja”/ Rama publikon kurbën e Covid-19 në Shqipëri

“Sa më fort të rezistojmë sot, aq më e butë do jetë ngjitja”/ Rama publikon kurbën e Covid-19 në Shqipëri

Deklaratat e Agim Bahtirit për vëllavrasje në Kosovë, VV: S’kemi nevojë për konflikt

Deklaratat e Agim Bahtirit për vëllavrasje në Kosovë, VV: S’kemi nevojë për konflikt

Idrizi: Gjuha nxitëse për vëllavrasje nga kryetari i Mitrovicës, është e tmerrshme dhe e dënueshme

Idrizi: Gjuha nxitëse për vëllavrasje nga kryetari i Mitrovicës, është e tmerrshme dhe e dënueshme

OAK: Urgjent të ndahen mjetet për punëtorët e sektorit privat

OAK: Urgjent të ndahen mjetet për punëtorët e sektorit privat