KE rekomandon hapjen e negociatave për Shqipërinë

29.05.2019 15:07
Rreshtat+- AShkronjat+- Printo
KE rekomandon hapjen e negociatave për Shqipërinë

Komisioni Evropian ka rekomanduar hapjen e negociatave për anëtarësim të Shqipërisë në Bashkimin Evropian.

Komisioneri për Zgjerim Johannes Hahn, gjatë prezantimit të Raportit të Progresit për shtetet në procesin e zgjerimit, ku përfshihen shtetet e Ballkanit Perëndimor dhe Turqia, ka rekomanduar hapjen e negociatave për anëtarësim për Shqipërinë dhe Maqedoninë e Veriut.

“Shqipëria ka çuar përpara reformat, sidomos në transformim të rëndësishëm në fushën e drejtësisë, përfshirë një proces të paprecedentë në rivlerësimin e gjyqtarëve dhe prokurorëve”, u shpreh zoti Hahn.

Zoti Hahn shtoi se Bashkimi Evropian duhet të përgjigjet pozitivisht dhe “të mbajë premtimet kur vendet i përmbushin zotimet e tyre”.

“Të dyja vendet (Shqipëria dhe Maqedonia e Veriut) kanë çuar përpara me reformat, veçanërisht në fushat e përcaktuara nga Këshilli në qershor të vitit 2018. Për këtë arsye Komisioni Evropian i rekomandon Këshillit hapjen e bisedimeve tani. Që të mbetet i besueshëm, Bashkimi Evropian duhet t’i përmbahet angazhimeve të veta dhe t’u përgjigjet qartë dhe pozitivisht, kur vendet i përmbushin detyrimet e tyre”, tha ai.

Video nga arkivi: Hahn shpreson hapjen e negociatave me Shqipërinë dhe Maqedoninë V. para verës

Edhe përfaqësuesja e Lartë e Bashkimit Evropian për Politikë të Jashtme dhe Siguri, Federica Mogherini, duke nënvizuar sukseset e arritura nga Shqipëria në reformën për drejtësi, tha se BE-ja duhet të japë merita aty ku ato ekzistojnë.

“Tashmë është radha e BE-së të bëjë punën e saj. BE duhet të japë merita aty ku ato ekzistojnë. Kur ne vlerësojmë meritat në mënyrë objektive, ato duhen njohur. Në të kundërt do të dëmtohet besueshmëria e BE-së, do të minohet stabiliteti dhe do të dekurajohen reformat e mëtejshme, ndoshta sjellin edhe një moment zhgënjimi në këto vende të rajonit, por edhe në BE dhe tek BE si institucion”, u shpreh Mogherini.

Në Shqipëri, rekomandimi pozitiv është mirëpritur nga Qeveria. Kryeministri Edi Rama, përmes një postimi në Twitter tha se rekomandimi pozitiv tregon se Shqipëria ka kryer me sukses detyrat e paracaktuara nga Bashkimi Evropian.

“Rekomandimi pozitiv pa kushte i Komisionit Europian për çeljen zyrtare të negociatave për anëtarësim të Shqipërisë me Bashkimin Europian, konfirmon se Shqipëria i ka kryer me sukses detyrat e shtëpisë në këtë proces”, shkruan kryeministri.

Shqipëria ndodhet në një krizë të thellë politike, ku dy partitë opozitare kanë djegur mandatet e tyre në Kuvend, dhe kanë kaluar në protesta të vazhdueshme kombëtare, duke kërkuar largimin e Qeverisë dhe dorëheqjen e kryeministrit Edi Rama.

Kushti i tyre kryesor është krijimi i një qeverie transitore që do të garantonte zgjedhje të lira dhe të ndershme. Në anën tjetër, Partia Socialiste që drejton qeverinë pa koalicion dhe ka shumicën e ulëseve në Parlament, ka kundërshtuar kërkesat e opozitës.

Vendi po ashtu është në prag të zgjedhjeve lokale, të cilat pritet të mbahen më 30 qershor, mirëpo opozita thotë se do t’i bojkotojë, duke kërcënuar se nuk do të lejojë mbajtjen e tyre.

Shqipëria është anëtare e NATO-s që nga viti 2009. Asaj i është dhënë statusi i kandidatit për BE në vitin 2014 dhe tashmë pritet që të fillojë negociatat për anëtarësim në muajin qershor të këtij viti.

Komentet

Komente

Sqarim: Ndalohen fyerjet dhe përdorimi i gjuhës ofenduese. INFOSOT mban të drejtën e publikimit ose jo të një komenti të caktuar. Përmbajtja e komenteve nuk pasqyron, qëndrim editorial të redaksisë së portalit INFOSOT. Ju faleminderit për mirëkuptimin!


Byrnes inkurajon Maqedonine e V. në luftimin e korrupsionit

Byrnes inkurajon Maqedonine e V. në luftimin e korrupsionit

Së shpejti, Kosova me listë finale të organizatave terroriste

Së shpejti, Kosova me listë finale të organizatave terroriste

DASH mbi të bërit biznes në Kosovë, korrupsioni pengesë

DASH mbi të bërit biznes në Kosovë, korrupsioni pengesë

Haradinaj: Qeveria do t’i qëndrojë pranë fermerëve dhe bujqve tanë

Haradinaj: Qeveria do t’i qëndrojë pranë fermerëve dhe bujqve tanë

Veseli: Askush s’ka të drejtë të manipulojë me statutin e luftëtarit të UÇK-së

Veseli: Askush s’ka të drejtë të manipulojë me statutin e luftëtarit të UÇK-së

Tahiri: Qasja në drejtësi imperativ i patjetërsueshëm, së shpejti nis rekrutimi i noterëve

Tahiri: Qasja në drejtësi imperativ i patjetërsueshëm, së shpejti nis rekrutimi i noterëve

Deda: Qeverinë mund ta rrëzonim në qershor, po presim zgjedhjet në LDK

Deda: Qeverinë mund ta rrëzonim në qershor, po presim zgjedhjet në LDK

Dy filma të gjatë Kosovarë mbështeten nga Agjensioni për Film i Maqedonisë Veriore

Dy filma të gjatë Kosovarë mbështeten nga Agjensioni për Film i Maqedonisë Veriore

Policia me masa shtesë gjatë sezonit veror

Policia me masa shtesë gjatë sezonit veror

Kryeministri Haradinaj ka një apel të rëndësishëm për bashkatdhetarët

Kryeministri Haradinaj ka një apel të rëndësishëm për bashkatdhetarët

Maloku pasi u ftua nga Tribunali: Djemtë e mi i nxora jashtë vendit, s’munda t’iu sigurojë kushte në Kosovë

Maloku pasi u ftua nga Tribunali: Djemtë e mi i nxora jashtë vendit, s’munda t’iu sigurojë kushte në Kosovë

A do të mbahet ‘Beer Fest-i’ i radhës në Prishtinë?

A do të mbahet ‘Beer Fest-i’ i radhës në Prishtinë?

Veseli dorëzon kërkesën për themelimin e Komisionit që heton Listat e Veteranëve

Veseli dorëzon kërkesën për themelimin e Komisionit që heton Listat e Veteranëve

Çka fshihet pas mashtrimit të Zaevit nga humoristët rusë?

Çka fshihet pas mashtrimit të Zaevit nga humoristët rusë?

Haradinaj i reagon Zaevit: Askush s’do ta ndajë Kosovën

Haradinaj i reagon Zaevit: Askush s’do ta ndajë Kosovën

Lajmi i fundit: Naim Malokun e kontakton Gjykata Speciale

Lajmi i fundit: Naim Malokun e kontakton Gjykata Speciale