Policia ka njoftuar se pas një pune hetimore janë kontrolluar dy lokacione, pronë e të dyshuarve meshkuj, ku gjatë kontrollit janë gjetur dhe janë konfiskuar 1.570 gramë substancë e dyshuar narkotike e llojit marihuanë.
Gjatë kontrollit në këto dy lokacione janë gjetur edhe 570 euro para të gatshme, një armë e kalibrit 7.65 mm, dy fishekë 7.65 mm dhe tre fishekë të AK-47.
Me vendim të prokurorit, njëri nga të dyshuarit është dërguar në mbajtje kurse tjetri është në kërkim policor.
