Juventusi edhe një herë ka treguar se është skuadra dukshëm më e fortë në Itali.
Zonja e Vjetër ka fituar ndaj Milanit me rezultat 4-0 në finalen e Kupës së Italisë, sukses që klubi nga Torino e arrin për herë të katër radhazi.
Pjesa e parë ishte pa gola dhe me pak raste, ndërsa e dyta ishte komplet ndryshe.
Fillimisht Mehdi Benatia shënoi në minutën e 56-të, pastaj edhe Douglas Costa në minutën e 61-të.
Benatia shënoi edhe një herë në minutën e 64, ndërsa në minutën e 76-të erdhi dhe autogoli nga Nikola Kalinic.
Juve kështu fitoi për herë të katër radhazi Kupën e Italisë, ndërsa në përgjithësi ishte trofeu i 13-të.
Roma ka nëntë kupa, kurse Interi shtatë, kurse Fiorentina dhe Lazio nga gjashtë. /Telegrafi/
