Presidenti i Serbisë Aleksandar Vuçiq ka paralajmëruar se është i gatshëm të nënshkruajë marrëveshjen detyruese juridike e cila do të thoshte hyrje e Kosovës në Kombet e Bashkuara dhe kjo mund të quhet vetëm akt tradhtie, ka vlerësuar kryetari i Partisë Demokratike të Serbisë (DSS) Milosh Jovanoviq, transmeton Koha.net.
“Është skandaloze dhe kundër kushtetuese ajo që ka thënë se nuk e përjashton njohjen e pavarësisë së Kosovës me kushtin që Serbia të fitojë ndonjë thërrime”, citon FoNet të ketë thënë Jovanoviq.
LEXHO EDHE:
Kryetari i Serbisë është i gatshëm t’i bëjë të gjitha këto përkundër vullnetit të shumicës së qytetarëve të këtij vendi, ka thanë ai.
Zyrtari tjetër i kësaj partie Milosh Koviq ka vlerësuar se Vuçiqi i cili e ka bërë betimin, ka treguar se nuk është i gatshëm ta mbajë fjalën.
Sipas tij, Vuçiq e ka organizuar dialogun e brendshëm dhe rezultatet e këtij dialogu janë shumë të qartë:
90 për qind e tyre ka qenë për konflikt të ngrirë, vazhdimin e bisedimeve dhe pritjen deri te momenti i ndryshimit të raportit të forcave, ndërsa ajo që Vuçiq e paralajmëron mund të quhet vetëm tradhti e madhe.
