Jon Jones i kërkon rimeç Daniel Cormierit: Dëshmoje para tifozëve se je kampion

E publikuar: 30/12/2018 18:00
Rreshtat+- AShkronjat+- Printo

Jon Jones gjithmonë e ka konsideruar veten si kampion i vërtetë në kategorinë e lehtë të divizionit të peshave të rënda në UFC, ndërsa tash është përsëri zyrtare.

Jones (23-1, 1 NC) e ka rikthyer titullin pas një dueli dominues që përfundoi në raundin e tretë përballë Alexander Gustafsson (18-5).

Jon Jones triumfoi ndaj Alexander Gustafsson (Foto: Sean M. Haffey/Getty Images/Guliver)

Meçi për titull u zhvillua në ‘The Forum’ në Inglewood të Kalifornisë, në kuadër të UFC 232, që shënoi edhe kthimin e amerikanit në ‘Tetëkëndësh’ pas mungesës 17 muajshe.

Dueli përfundoi në minutën 2:02 të raundit të tretë, kur Jones e rrëzoi Gustafssonin në dysheme dhe vazhdoi ta godasë.

Në intervistën e tij pas meçit në ‘Tetëkëndësh’, Jones nuk harroi ta vinte në pah atë që mendojnë shumë tifozë të arteve të përziera marciale – një rimeç me rivalin e tij, Daniel Cormier, i cili të premten hoqi dorë nga titulli në kategorinë e lehtë dhe është kampion i UFC-së në kategorinë e rëndë.

“E di se ekziston një njeri që e quan veten ‘kampion, kampion’. Dua të them, kush është ai që heq dorë nga titulli, sepse e fitoi dikush tjetër?”.

“Babai është kthyer, DC. Dëshmoje para tifozëve se je një ’kampion, kampion’. Eja provoje. Unë jam këtu. Ktheje rripin tënd. Do të të presë këtu”, ka thënë Jones. /Telegrafi/