Kryeministri i Britanisë së Madhe Boris Johnson ftoi presidentin e zgjedhur të SHBA-së Joe Biden në Konferencën e Kombeve të Bashkuara për Ndryshimet Klimatike, të njohur si COP26, në Skoci vitin e ardhshëm, tha zyra e Johnson të martën.
“Ata diskutuan marrëdhëniet e ngushta dhe të gjata midis vendeve tona, dhe u angazhuan për të ndërtuar këtë partneritet në vitet e ardhshme, në fusha të tilla si tregtia dhe siguria – përfshirë përmes NATO”, tha zyra e Johnson në një deklaratë pas bisedës së parë midis dy burrështetasve që nga zgjedhjet presidenciale të javës së kaluar.
“Kryeministri ftoi presidentin e zgjedhur të marrë pjesë në samitin e ndryshimit të klimës COP26 që Britania e Madhe do ta mbajë në Glasgow vitin e ardhshëm. Ata gjithashtu prisnin të shiheshin personalisht, përfshirë atë kur Britania e Madhe do të jetë nikoqire e Samitit G7 në vitin 2021,” përfundon deklarata.
