Kryetari i Komunës së Skenderajt, Bekim Jashari ka përkujtuar jetën dhe veprën e Adem Demaçit, në dyvjetorin e ndarjes nga jeta.
“Kontributi i tij në rrugëtimin tonë historik, vuajtjet e tij si pasojë e qendrimeve, trimërisë, guximit e patriotizmit të tij janë pjesë e pandashme e historisë sonë të lavdishme”, ka shkruar Jashari në Facebook.
Ky është postimi i tij i plotë:
Sot, në dy vjetorin e ndarjes nga ne, kujtojmë e nderojmë jetën dhe vepren madheshtore për Liri e Pavarësi të veprimtarit, simbolit të rezistencës e ideatorit tonë, Adem Demaçi.
Kontributi i tij në rrugëtimin tonë historik, vuajtjet e tij si pasojë e qendrimeve, trimërisë, guximit e patriotizmit të tij janë pjesë e pandashme e historisë sonë të lavdishme.
Si një hiperintelektual, mësues i shoqërisë, kritik funksional e largëpamës do të mbetet i paharruar në zemrat tona.
Ai dhe veprat e tij duhet të zënë vendin e merituar në historinë tonë të re.
Baca Adem, edhe sot po na mungojnë këshillat tuaja për bashkim e unitet politik para sfidave të shumta që kemi para nesh.
Të qoftë i lehtë dheu i Kosovës për të cilën sakrifikove shumë!
