Manchester United e ka siguruar James Rodriguezin se do ta ketë numrin 10 edhe te klubi nga Old Trafford.Sunday World shkruan se United tashmë ka marrëveshjen me yllin e Real Madridit.
James është pritur që të largohet nga Real Madridi pas mungesës së minutazhit dhe 25 vjeçari duket se është gjithnjë e më afër kampionatit anglez.Yahoo Sport nga ana tjetër shton se klubi nga Old Trafford i ka premtuar kolumbianit numrin 10 në fanellë për sezonin e ardhshëm.
Marrëdhënia e afërt mes agjentit të Jamesit, Jorge Mendes dhe menaxherit të Unitedit, Jose Mourinho, që është një tjetër klient i tij, ka bërë që progresi në këto negociata të jetë i lartë dhe të gjitha palët tashmë kanë akordin verbal.
Teksa drejtuesit e Realit insistojnë se ende nuk ka marrëveshje me Unitedin për lojtarin, baza për një kalim të tij në Angli është vënë tash e sa kohë. /Telegrafi/
