James Rodriguez është rikthyer te Real Madrid pas huazimit dy vjeçar te Bayern Munichu.
Kampioni në fuqi i Gjermanisë nuk e ka shfrytëzuar të drejtën e blerjes së lojtarit.
Kësisoj James është rikthyer në Madrid, por nuk do të qëndrojë gjatë pasi synon të largohet në drejtim të ndonjë skuadre ku luan rregullisht.
Lojtari është i grumbulluar me Kombëtaren e Kolumbisë në Copa America, derisa ka folur për të ardhmen e tij shkurtimisht.
“Kam 20 ditë kohë për të vendosur, të shohim se ku do të shkoj”, ka thënë James Rodriguez.
Skuadra më e interesuar për t’i fituar shërbimet e James, është ajo italiane Napoli. /Telegrafi/
