Jahtet më të mëdha, më inovative dhe më luksoze nga e mbarë bota janë prezantuar këto ditë.

Këto jahte janë fituese të garës “Boat International Media’s Word Superyacht Awards 2018”, ku jahti 96.55 metra i quajtur Faith dhe që kapë vlerën e 200 milionë dollarë, ka fituar çmimin e “Jahti i vitit”, transmeton Telegrafi.

Brenda saj nuk mungon pothuajse asgjë, pasi ka pishina, xhakuzi, saunë, furrë të picave dhe gjëra tjera që jemi mësuar t’i shohim nëpër hotele me pesë yje.

Më poshtë ju sjellim fotogalerinë e jahteve fituese në garën e shumëpërfolur, ndërsa pronarët e tyre nuk kanë hezituar të shpenzojnë miliona dollarë që të kenë gjithçka brenda tyre.

Jahti “Faith” që kushton 200 milionë dollarë dhe që ka pishina, xhakuzi, saunë dhe furrë picash. Pishina e ndërtuar brenda saj është 2.5 metra e thellë dhe nëntë metra e gjatë.

Jahti Pink Gin është 53.9 metra e gjatë dhe është e punuar e tëra nga fibra karboni. Brenda saj është e instaluar teknologjia më moderne, që për shumëkënd mund të duken si të pabesueshme.

Jahti A është 142.8 metra e gjatë e ndërtuar nga kompania gjermane Nobiskrug. Ajo konsiderohet si një prej jahteve më të mëdha.

Ribelle, është jahti 32.6 metra e gjatë që ka fituar çmimin jahti më i mirë për lundrim. /Telegrafi/