Ish-kryeinspektori i dënuar me 10 muaj burg tani mund të kthehet në Kosovë i lirë

10.05.2019 16:28
Rreshtat+- AShkronjat+- Printo
Ish-kryeinspektori i dënuar me 10 muaj burg tani mund të kthehet në Kosovë i lirë

Ish-kryeinspektori i Komisionit të Pavarur për Miniera dhe Minerale (KPMM), Nuredin Bislimi, nga maji i këtij viti, mund të kthehet lirisht në Kosovë, pa u rrezikuar që do të prangoset apo që do të shkojë në vuajtje të dënimit.

Gjykata Themelore në Pejë, në janar të vitit 2014, Bislimin e kishte dënuar me 10 muaj burgim efektiv dhe dy mijë euro gjobë, për marrje të ryshfetit, raporton “Betimi për Drejtësi”.

Por, pasi ishte shpallur aktgjykimi ndaj tij, organet e drejtësisë nuk kishin arritur që ta ekzekutonin dënimin me burgim, pasi që Bislimi ishte arratisur nga Kosova.

Pavarësisht, që ishte dënuar për vepra penale të korrupsionit, ai tashmë mund të kthehet në Kosovë, pasi që ndaj tij ka arritur parashkrimi i ekzekutimit të dënimit me burg, për shkak të kalimit të afatit prej katër vjetësh pas plotfuqishmërisë së aktgjykimit ndaj tij.

Parashkrimi i ekzekutimit të këtij dënimi, është konfirmuar për “Betimi për Drejtësi”, nga zëdhënësja e Gjykatës Themelore në Pejë, Tringa Zhuti.

“Me datë 08.05.2019, Gjykata Themelore në Pejë ka marrë aktvendim për parashkrim të ekzekutimit të dënimit ndaj të dënuarit Nuredin Bislimi”, thuhet në përgjigjen e zëdhënëses Zhuti.

Ndryshe, emisioni “Betimi për Drejtësi”, në prill të këtij viti, e kishte hulumtuar këtë rast.

Bislimi akuzohej se më 8 nëntor të vitit 2013, në fshatin Grabanicë të Komunës së Klinës në cilësinë e kryeinspektorit të Komisionit për Miniera dhe Minerale kishte kërkuar ryshfet nga pronari i separacionit “Elezaj”, gjegjësisht nga i dëmtuari Bedri Elezaj, në shumën prej një mijë euro, siç thuhej në aktakuzë, për ta lejuar vazhdimin e punës, pasi më përpara ia kishte ndaluar.

Për këtë akuzë, Nuredin Bislimi kishte arritur marrëveshje për pranimin e fajësisë me Prokurorinë Themelore në Pejë, e cila më pas ishet aprovuar edhe nga Gjykata Themelore në Pejë.

Sipas kësaj marrëveshje, Bislimi ishte pajtuar që të pranojë fajësinë në këmbim të dënimit me burgim prej 6 deri në 12 muaj burgim, dhe dënim me gjobë prej 1500 deri 2000 euro si dhe ndalim të ushtrimit të detyrës.

Ish-kryeinspektori i KPMM-së, më pas për veprën penale të marrjes së ryshfetit, më 22 janar 2014, ishte dënuar nga Gjykata Themelore në Pejë, me 10 muaj burgim dhe 2000 mijë euro gjobë, si dhe me dënimin plotësues, ndalim i ushtrimit të detyrës ose veprimtarisë në afat prej tre vjetësh.

Duke e shprehur pakënaqësinë ndaj këtij aktgjykimi, Bislimi kishte ushtruar ankesë në Gjykatën e Apelit dhe një kërkesë për mbrojtjen e ligjshmërisë në Gjykatën Supreme.

Gjithsej lidhur me këtë çështje penale ishin marrë tre vendime gjyqësore, dy në Gjykatën e Apelit dhe një në Gjykatën Supreme.

Sipas aktvendimit të parë të Gjykatës së Apelit të 13 tetorit 2014, ankesa e Nuredin Bislimit ishte hedhur poshtë si e palejuar, por që kjo më pas ishte anuluar nga Gjykata Supreme, e cila kishte obliguar Apelin të vendos meritorisht lidhur me ankesën e tij.

Gjykata e Apelit, më 7 maj të vitit 2015, kishte vërtetuar dënimin prej 10 muaj burgim dhe dy mijë euro gjobë ndaj Nuredin Bislimit dhe kishte ndryshuar vetëm dënimin plotësues sa i përket ndalimit të ushtrimit të detyrës në kohëzgjatje prej tre vjetësh.

Aktgjykimi dënues ndaj Bislimit kishte marrë formën e prerë më 7 maj 2015, nga e cila datë fillon edhe parashkrimi i ekzekutimit të dënimit.

Komentet

Komente

Sqarim: Ndalohen fyerjet dhe përdorimi i gjuhës ofenduese. INFOSOT mban të drejtën e publikimit ose jo të një komenti të caktuar. Përmbajtja e komenteve nuk pasqyron, qëndrim editorial të redaksisë së portalit INFOSOT. Ju faleminderit për mirëkuptimin!


Clark: Baza e Rusisë në Nish mund të destabilizojë Ballkanin

Clark: Baza e Rusisë në Nish mund të destabilizojë Ballkanin

Arban Abrashi akuzohet se po organizon ‘banda’ për prishjen e kuvendeve të LDK-së

Arban Abrashi akuzohet se po organizon ‘banda’ për prishjen e kuvendeve të LDK-së

Pas tre muajsh mungese, në fund të qershorit certifikatat origjinale nëpër komuna

Pas tre muajsh mungese, në fund të qershorit certifikatat origjinale nëpër komuna

Ndryshimi legjendar i qëndrimeve, Thaçi edhe në mediat spanjolle flet kundër ndryshimit të kufijve

Ndryshimi legjendar i qëndrimeve, Thaçi edhe në mediat spanjolle flet kundër ndryshimit të kufijve

Haradinaj: E suspendojmë taksën, nëse ka marrëveshje-kornizë për njohje

Haradinaj: E suspendojmë taksën, nëse ka marrëveshje-kornizë për njohje

Vdes një shtetas austriak në një hotel në rrugën Prishtinë -Shkup

Vdes një shtetas austriak në një hotel në rrugën Prishtinë -Shkup

Vuçiqi lut Trumpin të ndikojë që Kosova ta heqë taksën ndaj Serbisë

Vuçiqi lut Trumpin të ndikojë që Kosova ta heqë taksën ndaj Serbisë

Sofra e Dardan Gashit kushton 10 mijë euro? (Dokument)

Sofra e Dardan Gashit kushton 10 mijë euro? (Dokument)

Gjykata Themelore në Gjilan ka shpall Aktgjykim dënues ndaj të miturit

Gjykata Themelore në Gjilan ka shpall Aktgjykim dënues ndaj të miturit

Shkup, mosmarrja e datës hap debatin e zgjedhjeve të parakohshme

Shkup, mosmarrja e datës hap debatin e zgjedhjeve të parakohshme

Daçiq: Trump, Merkel, Macron e Mogherini po dridhen para Haradinajt, si t’i besojmë kësaj?

Daçiq: Trump, Merkel, Macron e Mogherini po dridhen para Haradinajt, si t’i besojmë kësaj?

Prezantohet projekti për Stadiumin Kombëtar të Kosovës, kapaciteti i tij 30 mijë ulëse

Prezantohet projekti për Stadiumin Kombëtar të Kosovës, kapaciteti i tij 30 mijë ulëse

Vizat tani në dorën e finlandezëve- cila është porosia nga Helsinki për kosovarët?

Vizat tani në dorën e finlandezëve- cila është porosia nga Helsinki për kosovarët?

Tribunali për krime lufte të mos shfrytëzohet për poenë politik

Tribunali për krime lufte të mos shfrytëzohet për poenë politik

Ministria e Financave dhe Banka Botërore mbajnë takimin e radhës për rishikimin e portfolios kreditore

Ministria e Financave dhe Banka Botërore mbajnë takimin e radhës për rishikimin e portfolios kreditore

Scott përkujton ditën kur u gjetën të vrarë vëllezërit Bytyçi, kërkon dënim për ekzekutorët

Scott përkujton ditën kur u gjetën të vrarë vëllezërit Bytyçi, kërkon dënim për ekzekutorët