Isco: Dua të shkruaj historinë me Spanjën

E publikuar: 29/03/2015 16:19
Rreshtat+- AShkronjat+- Printo

Gjithsesi futbollisti 22-vjecar nuk preferon ta krahasojnë me Don Andres pasi sipas Iscos ai ka ende edhe shumë për të bërë.

Mesfushori i Realit të Madridit Isco është kthyer në një titullar të padiskutueshëm në përfaqësuesen spanjolle gjatë sfidave të fundit, aq sa mediat kanë filluar ta krahasojnë atë me Andres Iniestën, i cili me golin e tij në finalen ndaj Holandës në vitin 2010 udhëhoqi Spanjën drejt triumfit të parë Botëror në historinë e saj. Gjithsesi futbollisti 22-vjecar nuk preferon ta krahasojnë me Don Andres pasi sipas Iscos ai ka ende edhe shumë për të bërë nëse dëshiron që një ditë të arrijë nivelin e mesfushorit të Barcelonës.

“Me Iniestën e kam shumë të thjeshtë të merem vesh në fushën e lojës. Megjithatë nuk më pëlqen të më krahasojnë me të pasi ai është një futbollist i tjetër niveli dhe ka shkruar historinë me Spanjën dhe Barcelonën. Unë personalisht jam shumë i lumtur që jam pjesë e La Rojas dhe dëshiroj të lë shenjën time në përfaqësuese. Dëshiroj që një ditë ashtu si Iniesta edhe unë të kujtohem për ato që mund të fitoj me Spanjën”.

Fitorja  ndaj Ukrainës ishte shumë e rëndësishme për kampionët e Europës në fuqi, pasi me atë sukses Spanja hodhi një hap të sigurtë drejt kualfikimit për në Euro 2016. Në Sanchez Pizjuan vendosi një gol i shënuar nga Alvaro Morata megjithatë Isco mendon se Spanja ka ende për t’u përmisuar pasi gjatë 12 muajve të fundit nuk është shfaqur në versionin e saj më të mirë.

“Ndaj Ukrainës na kënaqën vetëm 3 pikët që ishin shumë të rëndësishme për ecurinë tonë në këto kualfikuese, por vetëm kaq pasi rendimenti ynë në fushë nuk ishte nga më të mirët. Duhet të punojmë shumë nëse dëshirojmë që t’u rikthehemi suksesve të mëdha. Gjatë ndeshjeve në vazhdim duhet të jemi më konstant dhe të ruajmë të njëjtin ritëm gjatë gjithë 90 minutëshit”./supersport/