Isa Mustafa kërkon që masa e reciprocitetit te koordinohet me SHBA’në

21.02.2020 19:27
Rreshtat+- AShkronjat+- Printo
Isa Mustafa kërkon që masa e reciprocitetit te koordinohet me SHBA’në

Që nga sekretari amerikan i Shtetit e deri te ambasadori amerikan në Kosovë, janë përsëritur thirrjet për heqje të tarifës. Këtu përfshihen edhe kërkesat e emisarit të Trumpit, Richard Grenell, i cili ka dëshmuar se vendos shpejt e prerazi aty ku ndërmjetëson. Ai do që tarifa të hiqet dhe këtu të përfundoj gjithçka rreth ideve të sanksionimit. Derisa Kryeministri Kurti po i reziston presionit amerikan, Isa Mustafa thotë për Express se vetëm një gjë është e rëndësishme: koordinimi me Amerikën.

Albioneta Ademi

Lëvizja Vetëvendosje e LDK’ja pjesë të marrëveshjes për qeverisje e kanë pasur zëvendësimin e tarifës ndaj produkteve serbe me masa të reciprocitetit.

Mirëpo Shtetet e Bashkuara të Amerikës e përkrahin pjesërisht këtë pikë të marrëveshjes. Kërkojnë heqjen e taksës, por i thonë jo reciprocitetit.

Që nga sekretari amerikan i Shtetit e deri te ambasadori amerikan në Kosovë, janë përsëritur thirrjet për heqje të tarifës. Këtu përfshihen edhe deklarimet e emisarit të Trumpit, Richard Grenell, i cili ka dëshmuar se vendos shpejt e prerazi në cështjet mes Kosovës e Serbisë. Ai do që tarifa të heqët dhe këtu të përfundoj gjithçka rreth ideve të sanksionimit.

Kryetari i LDK’së, Isa Mustafa, i pyetur nëse mbron idenë e vendosjes së reciprocitetit edhe pas presionit amerikan, ka thënë se thelbësore është bashkërenditja me SHBA’në. Të tjera ai i quan modalitete.

“Themelore është që procesi të bashkërenditet me SHBA-të, si partner strategjik i yni. Çështjet e tjera mbesin modalitete”, ka thënë Mustafa në një përgjigje për Gazetën Express.

Ndërkaq Zyra për Media e LVV’së ka thënë se për cështjen e reciprocitetit qëndrojnë pas asaj që janë marrë vesh me LDK’në.

Qëndrimin zyrtar të LVV’së e ka thënë Kurti dy ditë më parë në Konventën e Prodhuesve të Kosovës. Edhe pas thirrjeve të SHBA’së për heqje të menjëhershme të taksës, pa vendosje të masave të tjera, Kryeministri Kurti ka thënë se do të vendosë reciprocitet të plotë.

“Do të zëvendësojmë tarifën 100% dhe do të zbatojmë reciprocitetin e plotë tregtar me Serbinë sikurse me secilin shtet. Tarifa ka qenë vendim i qeverisë së kaluar. Ne nuk jemi për tarifa si masë ndëshkuese ndaj konsumatorit por për reciprocitet si masë mbrojtëse ndaj prodhuesve.

Në deklaratat e mëhershme të tij si kryeministër, Kurti ka thënë se nuk do që të lë hapësirë mes tarifës dhe reciprocitetit. Sipas Kryeministrit, fillimisht do të vendos masat e reciprocitetit ndaj Serbisë, e më pas do të heqë tarifën.

Nënkryetari i LDK’së, Lutfi Haziri, ka shkruar të enjtën se një lider duhet të marrë vendime që mund të mos jenë popullore, por janë të domosdoshme për të ardhmen. Ai ka thënë se duhet të largohet tarifa, e për reciprocitet bëjnë hapa pastaj.

“Vendimet e vështira e bëjnë një lider të suksesshëm. Jo gjithmonë, janë vendime popullore për të tashmen, por të domosdoshme për të ardhmen. Koha për vendime të rënda, por të domosdoshme. Koha me e largu tarifën. Vlerësimet për reciprocitet bëhen në ecje e sipër”, ka thënë Haziri.

As Presidenti Hashim Thaçi në një intervistë dhënë BBC’së në gjuhën serbe, nuk e ka përkrahur vendosjen e masave të reciprocitetit.

“Nuk guxojmë të marrim vendime populiste – për të thënë se po e ndëshkojmë Serbinë, kurse në të vërtetë të largohemi nga Bashkimi Evropian dhe SHBA-ja”, ka thënë Thaçi.

Express së fundmi ka raportuar duke u thirrur në burime se zyrtarë të lartë amerikanë ndihen se janë gënjyer nga kryeministri Kurti për çështjen e largimit të tarifës ndaj produkteve serbe e boshnjake. Së këndëjmi SHBA’ja po shqyrtonte vazhdimin e investimeve në Kosovë, nëse nuk hiqet tarifa.

Masat sanksionuese me tarifë të qind për qindtë për prodhimet e Serbisë dhe të Bosnje e Hercogovinës i ka vënë ish-kryeministri Ramush Haradinaj në nëntor të vitit 2018. /Express/

Komentet

Komente

Sqarim: Ndalohen fyerjet dhe përdorimi i gjuhës ofenduese. INFOSOT mban të drejtën e publikimit ose jo të një komenti të caktuar. Përmbajtja e komenteve nuk pasqyron, qëndrim editorial të redaksisë së portalit INFOSOT. Ju faleminderit për mirëkuptimin!


Cilat biznese po përfitojnë nga kriza e Koronavirus?

Cilat biznese po përfitojnë nga kriza e Koronavirus?

Kurteshi e quan presidentin Thaçi ‘monstrum’ me figurë njeriu

Kurteshi e quan presidentin Thaçi ‘monstrum’ me figurë njeriu

Europarlamentarët mirëpresin heqjen e taksës, presin nga BE-ja heqjen e vizave për Kosovën

Europarlamentarët mirëpresin heqjen e taksës, presin nga BE-ja heqjen e vizave për Kosovën

Ndikimi i izolimit në marrëdhëniet shoqërore

Ndikimi i izolimit në marrëdhëniet shoqërore

Kreshnik Ahmeti: Serbia po vazhdon me bllokimin e kamionëve tregtarë të cilët vijnë nga Kosova

Kreshnik Ahmeti: Serbia po vazhdon me bllokimin e kamionëve tregtarë të cilët vijnë nga Kosova

Bajqinovci dhe Konjufca: Dilni dhe matuni

Bajqinovci dhe Konjufca: Dilni dhe matuni

Shtohet një rast i ri me koronavirus në Kosovë, numri i të infektuarve shkon në 126

Shtohet një rast i ri me koronavirus në Kosovë, numri i të infektuarve shkon në 126

Ahmeti: Po më shqetësojnë daljet e shumëta të qytetarëve në Prishtinë

Ahmeti: Po më shqetësojnë daljet e shumëta të qytetarëve në Prishtinë

I’a shohin sherrin 12 të infektuarve të Kamenicës, 69 personat që janë listë për t’u testuar nga koronavirus

I’a shohin sherrin 12 të infektuarve të Kamenicës, 69 personat që janë listë për t’u testuar nga koronavirus

Në kabinetin e tij Albin Kurtit, emëron Këshilltar Politik Nenad Rashiqin

Në kabinetin e tij Albin Kurtit, emëron Këshilltar Politik Nenad Rashiqin

Dumnica në protestë

Dumnica në protestë

Në Angli, të infektuar nga koronavirus, vdes nëna në banesë, ndërsa djali është duke luftuar

Në Angli, të infektuar nga koronavirus, vdes nëna në banesë, ndërsa djali është duke luftuar

SHBA: Kemi rritje në 6 milionë të përfutuesve të papunësisë në kohë që po kalojmë nga koronavirusi

SHBA: Kemi rritje në 6 milionë të përfutuesve të papunësisë në kohë që po kalojmë nga koronavirusi

Bislimi pas ankesave të qytetarëve: Këto masa janë pjesë e pakos emergjente fiskale

Bislimi pas ankesave të qytetarëve: Këto masa janë pjesë e pakos emergjente fiskale

Komuna e Kumanovës: Na izoloni në karantinë tërë qutetin

Komuna e Kumanovës: Na izoloni në karantinë tërë qutetin

24 orëve të fundit, në Britani të Madhe humbën jetë 569 persona nga koronavirusi

24 orëve të fundit, në Britani të Madhe humbën jetë 569 persona nga koronavirusi