Investuesit e huaj po ikin në vendet e rajonit

28.12.2016 21:21
Rreshtat+- AShkronjat+- Printo
Investuesit e huaj po ikin në vendet e rajonit

Investimet e huaja direkte, vazhdimisht nga zyrtarë qeveritar dhe ekspertë për çështje ekonomike, janë vlerësuar si të domosdoshme për një zhvillim të qëndrueshëm ekonomik.

Për këtë arsye, kërkesat e asociacioneve ekonomike dhe ekspertëve të kësaj fushe, kanë qenë përmirësimi i kushteve dhe krijimi i një sigurie për investitorët e huaj. Edhe gjatë këtij viti, vlera e investimeve të huaja, nuk ka qenë në nivelin e dëshiruar

Ekspertë për çështje ekonomike ndërkaq konsiderojnë se një ndër dështimet më të mëdha të qeverisë se Kosovës gjatë vitit 2016, është rënia e investimeve të huaja dhe zbehja e interesimit të kompanive të huaja që të kapitalin e tyre ta shtrijnë në Kosovë.

Të dhënat eBankës Qendrore të Republikës se Kosovës, tregojnë se deri në muajin shtator të këtij viti, shuma e investimeve të huaja kanë qenë 184 milionë euro. Kurse vitin 2015, investimet ndërkombëtare kanë qenë rreth 320 milionë euro.

Kryetari i Odës Ekonomike të Kosovës, Safet Gërxhaliu, thotë se shtetet e rajonit kanë qenë shumëmë “agresive” në tërheqjen e investimeve ndërkombëtare.

“Ajo çka i karakterizon janë lehtësira në të bërit biznes, qasje më agresive karshi brendeve bazuar në Ligjin për Investime Strategjike dhe mbi të gjitha kanë përmirësuar imazhin politik”.

“Prandaj Kosova duhet të mësojë nga vendet e rajonit dhe nuk i bëhet nder që Maqedonia të jetë edhe absorbues i investimeve të huaja, por edhe eksportues shumë më i madh se sa Kosova. Në të njëjtin rang është edhe Mali i Zi,e mos të flasim për Serbinë”, ka thënë Gërxhaliu për Radion Evropa e Lirë.

Drejtori i hulumtimeve në Institutin Riinvest, Alban Hashani, thotë se autoritetet kompetente duhet të krijojnë ambient më të përshtatshëm për investitorët.

“Arsyet pse investitorët hezitojnë të vijnë në Kosovë, janë të llojllojshme. Para se gjithash janë kushtet e të bërit biznes në Kosovë, që lidhen më mos funksionim të mirë të gjykatave, moszbatim të kontratave, që rrit riskun e operimit në Kosovë. Dhe për pasojë, i frikëson investitorët të vijnë dhe të investojnë në Kosovë. Normal se ka edhe barriera tjera”, ka thënë Hashani.

Në një përgjigje përmes postës elektronike nga Banka Qendrore e Kosovës, thuhet se vlera më e madhe e këtyre mjeteve, apo mbi 120 milionë euro janë investuar në sektorin e patundshmërisë, pasuar nga sektori i ndërtimit. Kurse në sektorin e prodhimi janë investuar vetëm 3.2 milionë euro.

Alban Hashani, pohon se Qeveria e Kosovës duhet të dizajnojë politika ekonomike për tërheqjen e investuesve të huaj në të gjithë sektorët, konkretisht në ata që gjenerojnë zhvillim ekonomik.

Investimi në patundshmëri, thotë ai, është realizuar kryesisht nga mërgimtarët që jetojnë në vende të ndryshme të Evropës.

“Ne duhet të sigurohemi që kushtet për të investuar në Kosovë janë të mira dhe investimet janë të sigurta. Dhe që ata do të jenë subjekt i një trajtimi të barabartë si të gjithë investitorët tjerë dhe do të mund të marrin përfitime nga operimi në Kosovë”.

“Orientimin e bëjnë investitorët vetë, mirëpo ne duhet të sigurojmë që të kemi investime në të gjithë sektorët. Diaspora edhe sivjet, sikur viteve tjera ka investuar shumë në patundshmëri“, thekson Hashani për Radion Evropa e Lirë

Sipas ekspertëve, situata politike është shkaktar i rënies se nivelit të investimeve të huaja.

Sidoqoftë, shtetet që kanë pjesëmarrje më të madhe në investimet e huaja direkt në Kosovë janë Zvicra më 42.6 milionë euro, pasuar nga Britania e Madhe.

Me qëllim të eliminimit të barrierave dhe procedurave burokratike për realizimin e investimeve të huaja, në muajin tetor në Kuvendin e Kosovës është miratuar Ligji për Investimet Strategjike, i cili ende nuk ka hyrë në fuqi.

Ky i mundëson Qeverisë që të negociojë drejtpërdrejtë me investitorët e huaj, por edhe ata vendorë. Njëkohësisht, thuhet se ofron kushte të barabarta në aspektin e tërheqjes së investitorëve të huaj, në krahasim me vendet fqinje dhe vendet e rajonit. (REL)

Komentet

Komente

Sqarim: Ndalohen fyerjet dhe përdorimi i gjuhës ofenduese. INFOSOT mban të drejtën e publikimit ose jo të një komenti të caktuar. Përmbajtja e komenteve nuk pasqyron, qëndrim editorial të redaksisë së portalit INFOSOT. Ju faleminderit për mirëkuptimin!
© infosot.com
Kush e ndali trenin?
artikull i sponzorizuar


Isufi: Edhe me Serbinë do të kemi probleme me demarkacion

Isufi: Edhe me Serbinë do të kemi probleme me demarkacion

‘Kosova është pion që Putini do ta sakrifikojë’ (Foto)

‘Kosova është pion që Putini do ta sakrifikojë’ (Foto)

Në QKUK më shumë të shëndoshë, sesa të sëmurë (VIDEO)

Në QKUK më shumë të shëndoshë, sesa të sëmurë (VIDEO)

Familja e katër dëshmorëve nga Prizreni, tregon se si u mashtrua për një vend të punës

Familja e katër dëshmorëve nga Prizreni, tregon se si u mashtrua për një vend të punës

Trump me urdhër ekzekutiv për tërheqje nga një marrëveshje e tregtisë

Trump me urdhër ekzekutiv për tërheqje nga një marrëveshje e tregtisë

Kosova asnjë helikopter, Serbia prinë në rajon me 61 helikopterë

Kosova asnjë helikopter, Serbia prinë në rajon me 61 helikopterë

Greqi: Ushtarët me origjinë shqiptare rrezikojnë 7 vite burg për shkak të ‘shqiponjës’ (Video)

Greqi: Ushtarët me origjinë shqiptare rrezikojnë 7 vite burg për shkak të ‘shqiponjës’ (Video)

Dinari valuta e dytë në Kosovë (Video)

Dinari valuta e dytë në Kosovë (Video)

Kapitulli i fundit i dialogut deri në njohje reciproke

Kapitulli i fundit i dialogut deri në njohje reciproke

Komisioni për matjen e territorit, i gatshëm të nisë punën edhe pa opozitën

Komisioni për matjen e territorit, i gatshëm të nisë punën edhe pa opozitën

Vdekja e 27-vjeçares në Gjinekologji: Familja kërkon ekspertizë të re (Video)

Vdekja e 27-vjeçares në Gjinekologji: Familja kërkon ekspertizë të re (Video)

Në pritje të ndarjes së 20 përqindëshit

Në pritje të ndarjes së 20 përqindëshit

Limaj: Thaçi dhe Mustafa do të takohen me projektuesit e gjenocidit në Kosovë

Limaj: Thaçi dhe Mustafa do të takohen me projektuesit e gjenocidit në Kosovë

Aktakuzë për marrje të ryshfetit

Aktakuzë për marrje të ryshfetit

Vetëvendosje nis mbledhjen e nënshkrimeve për seancë të jashtëzakonshme

Vetëvendosje nis mbledhjen e nënshkrimeve për seancë të jashtëzakonshme

Shqiptaro-amerikania që tërhoqi vëmendjen e presidentit Donald Trump

Shqiptaro-amerikania që tërhoqi vëmendjen e presidentit Donald Trump