Interi njofton përfitimet rekord për ndeshjen ndaj Barçës, është fitimi më i madh në histori nga një ekip italian

E publikuar: 06/11/2018 03:02
Rreshtat+- AShkronjat+- Printo

Interi ka njoftuar për fitimin më të lartë në histori të një klubi italian në lidhje me një ndeshje futbolli.

Nerazzurrët janë nikoqir të Barcelonës në ndeshjen e vlefshme për Grupin B në Ligën e Kampionëve.

Ndeshja në mes të Interi dhe Barcelonës është paraparë të zhvillohet në Giuseppe Meazza me fillim nga ora 21:00.

Stadiumi në të cilin i zhvillon ndeshjet si vendas Inter, ka një kapacitet prej 80,018 vendesh.

Sipas mediave italiane, Interi ka arritur t’i shes të gjitha biletat dhe në këtë ndeshje stadiumi do të jetë i stërmbushur.

Giuseppe Meazza e mbushur me tifozë

Përveç kësaj, zikaltrit kanë arritur përfitime rekord nga shitja e biletave dhe sipas tyre këto përfitime janë më të lartat në histori nga një ekip italian.

“Me mbi 5.8 milionë euro, ndeshja e nesërme Inter-Barça do të shënojë fitimin më të lartë në histori për një ekip italian”, thuhet në njoftimin e Interit.

Deri më tani fitimi më i madh i Interit ishte ai i derbit të fundit të Madonninas ndaj Milanit, ku pati mbi 78 mijë tifozë dhe fitime mbi 5 milionë euro. /Telegrafi/