Sejdiu: Ka ardhur momenti që Greqia ta njohë Kosovën

POLITIKA Jeremic: Tërheqja e rezolutës, e papranueshme

EDITORIAL

koment

Zgjidhje joterritoriale për veriun dhe luginën

Kosova s’ka asnjë shqetësim për rrjedhën e politikave ndërkombëtare për sa i përket pavarësisë kombëtare dhe rreth raporteve me Serbinë. Qeveria e Kosovës nuk po negocion as fshehtë, as hapur me Serbinë, por me Serbinë dhe me Asamblenë e Përgjithshme të OKB-së po negociojnë hapur dhe fshehtë aleatët e...

Nga Halil Matoshi

A kemi nevojë për president gjithëshqiptar
Kushtetuta e Shqipërisë mbron aspiratën shekullore të popullit shqiptar për identitetin dhe bashkimin kombëtar, ndërsa ajo e Kosovës, tek Dispozitat Themelore, në Nenin 1, pika 3, e kundërshton tërësisht këtë të drejtë! Kushtetuta, duke qenë dokumenti themelor i një shteti, në një mënyrë a tjetër, është standardi që shtetet i vejnë...

Nga Dalmat Bytyqi

Nacionale
Hyseni: Thirrja për heqje të statusit të Kosovës, thirrje për luftë Të bësh thirrje sot, për heqjen e statusit të shtetit të pavarur të Kosovës është thirrje për luftë. Kështu tha për Radio Kosovën Ministri i Jashtëm Skënder Hyseni, duke i cilësuar kërkesat e Serbisë për të fituar përkrahje ndërkombëtare...

Sejdiu: Ka ardhur momenti që Greqia ta njohë Kosovën

Politika

E shtunë, 31 Korrik 2010 17:09

(INFOSOT) - “Ka ardhur momenti që Greqia edhe formalisht ta njohë Republikën e Kosovës, sepse ky do të ishte një gur shumë i rëndësishëm për paqen dhe stabilitetin e qëndrueshëm në rajon”, tha presidenti i Fatmir Sejdiu gjatë një takimi që pati sot në kabinetin e tij me Dimitrois Droutsas, ministër i Punëve të Jashtme i Greqisë.

Duke ritheksuar faktin se Kosova e konsideron Greqinë dhe popullin e saj si një vend mik dhe fqinj historik, presidenti Sejdiu pohoi se Republika e Kosovës është shumë e përkushtuar që t’i thellojë edhe më tej marrëdhëniet e mira që tashmë ekzistojnë në mes dy vendeve tona.

Duke folur për raportet me këtë vend, presidenti çmoi pjesëmarrjen e trupave ushtarake greke në kuadër të KFOR-it, në misionin e ruajtjes së paprekshmërisë së kufijve dhe lirisë së vendit tonë, si dhe kontributin e të gjithë qytetarëve tjerë të Greqisë në misionet civile në vendin tonë.

“Ne nuk do t’i harrojmë asnjëherë tragjeditë që kemi përjetuar si popull, por jemi thellësisht të përkushtuar të punojmë për të ardhmen. Në qëndrimin tonë ndaj Serbisë ka një paradoks. Ndonëse Serbia nuk ka kërkuar asnjëherë falje për krimet e tmerrshme që ka bërë në Kosovë, ne i kemi shtrirë asaj dorën e miqësisë dhe të bashkëpunimit, me qëllim që si dy vende fqinje të lëvizim më shpejt drejt integrimeve euroatlantike”, tha presidenti.

“Ne besojmë se pas mendimit aq të qartë të Gjykatës Ndërkombëtare të Drejtësisë tanimë janë hequr të gjitha dilemat që ndonjë vend mund të ketë pasur sa i përket legjitimitetit të pavarësisë së vendit tonë, që është njohur deri më sot nga 69 vende demokratike anekënd botës dhe pret që shumë shpejt të njihet edhe nga shumë vende të tjera”, vijoi Sejdiu.

Mirëpo, ai ritheksoi se Kosova është e interesuar për raporte të mira ndërfqinjësore me Serbinë, por nuk do të bisedojë kurrë me të për çështjen e statusit, për integritetin e Kosovës, apo për çfarëdo forme të statusit special të ndonjë pjese të territorit të saj.

Ministri Droutsas, ndërkaq, tha se Greqia dëshiron të promovojë frymën e bashkëpunimit në rajon.

“Greqia beson fuqishëm në perspektivën e përbashkët evropiane, e cila do të krijojë paqe dhe stabilitet të përhershëm për të gjitha vendet e rajonit”, tha ai.

Sa i përket mendimit këshillëdhënës të GJND-së, ai pohoi se Greqia i jep rëndësi të madhe këtij mendimi dhe është duke e studiuar atë me kujdes.

0 Koment

Shkruaj Koment

Të gjitha materialet që gjenden në këtë website janë të mbrojtura nga Ligjet e Aplikuara në vend për të drejtat autoriale. Materialet nuk mund të ri-prodhohen, shpërndahen, transmetohen, shfaqen, publikohen ose emetohen pa marrë më parë pëlqimin me shkrim nga Agjencia e Lajmeve INFOSOT, ose në raste të caktuara nga pala e tretë nëse e ka ajo të drejtën e autorësisë.