Një incident me armë zjarri ka ndodhur sot në bazën kryesore ushtarake të Maqedonisë së Veriut.
Siç raportohet, ushtarët e Maqedonisë së Veriut kanë plagosur një person të panjohur i cili tentoi të hyjë në bazën ushtarake.
Plagosja e tij sipas Ministrisë së Mbrojtjes së Maqedonisë së Veriut, ndodhi në mënyrë që atë ta mbajnë jashtë gardhit që rrethon zonën ushtarake, njofton Klan Kosova.
Në raportin e Ministrisë, nuk është bërë i ditur identiteti i tij dhe as motivet e këtij incidenti.
Por një zëdhënës i ushtrisë maqedonase, kolonel Toni Janevski, tha për agjencinë The Associated Press se zyrtarët e policisë dhe gjyqësorit po e hetojnë incidentin.