Inatet politike vonojnë miratimin e projektligjit për pandeminë

08.07.2020 10:33
Rreshtat+- AShkronjat+- Printo
Inatet politike vonojnë miratimin e projektligjit për pandeminë

Puro politik po konsiderohet mungesa e shqyrtimit të projektligjit për pandeminë nga Qeveria Hoti. Ndonëse ka rreth një muaj që Kuvendi është duke pritur komentet e ekzekutivit, një gjë e tillë ende nuk ka ndodhur, ani pse rastet me Covid 19 janë pesëfishuar në muajin qershor.

Ndërkaq, qeveritarët në mbledhjen e së enjtes, pas 34 ditëve të marrjes së pushtetit pritet të shqyrtojnë këtë projektligj të iniciuar nga kryeparlamentarja Vjosa Osmani.

Kjo e fundit paralajmëroi se ekzekutivin do të pres vetëm deri të enjten, dhe se do të propozojë shmangie nga rregullorja në mënyrë që të procedohet ky projektligj urgjentisht. E një Ligj për Pandeminë po shihet i domosdoshëm edhe nga njohësit e sistemit të drejtësisë.

Se të enjten Qeveria Hoti pritet të shqyrtojë këtë ligj e tha të hënën zëvendëskryeministri, Besnik Tahiri.

“Mbledhjen e ardhshme të qeverisë, që besoj që do të mbajmë të enjten do të trajtojmë Ligjin e Pandemisë”, u shpreh ai.

E hezitimin e deritanishëm të Qeverisë Hoti, njohësi i sistemit të drejtësisë, Kushtrim Palushi e cilëson si puro politike.

Palushi: Ky hezitim i Qeverisë Hoti është puro-politik

“Ky hezitim është puro politik. Ata për inate të tyre se kush e ka propozuar ligjin, është kryetarja e Kuvendit të Kosovës, Vjosa Osmani e cila me një grup të ekspertëve e ka bërë një draft të ligjit dhe hezitimi për të aprovuar këtë ligj dhe hezitimin për të shtyrë përpara është puro politik. Nuk e aprovojnë ose shtyjnë përpara vetëm pse e ka sjell Vjosa Osmani. Në anën tjetër nuk vijnë me një zgjidhje alternative”, thotë ai.

Ndërsa, drejtori i IKD-së, Ehat Miftaraj mungesën e një Ligji për Pandeminë e ndërlidh me inatet politike ndërmjet LDK-së karshi propozueses së ligjit dhe kryeparlamentares Vjosa Osmani.

Miftaraj: LDK, inat të madh me Vjosa Osmanin

“LDK-ja ka lidhur një inat jashtëzakonisht të madh me kryeparlamentaren, Vjosa Osmani. Duket se vetëm për shkak se ajo ka proceduar me një iniciativë të tillë, ata po hezitojnë të kthejnë në ligj. Ligji mandej do të evidentonte këto parregullsi, paligjshmëri dhe çka është me e rëndësishme për qytetarët e Kosovës që të ofrojë siguri juridike”, thotë ai për KosovaPress.

Gjatë së martës, edhe KMDLNJ u ka bërë thirrje publike deputetëve të Kuvendit të Kosovës, pavarësisht përkatësisë partiake e të cilët përfaqësojnë dhe mbrojnë interesat e të gjithë qytetarëve, që të votojnë ligjin antiCOVID-19, duke thënë se është momenti i fundit të veprohet në të mirën për qytetarin.

“Po të ishte votuar me kohë ligji antiCOVID-19, sot do ta kishim një bazë ligjore që do ta bënte më efikase luftën kundër pandemisë dhe pasojat do të ishin më të vogla. Për KMDLNJ-në është e pakuptueshme që qeveria po e pret datën e fundit të 11 korrikut në vend se të veprojë me urgjencë dhe në përputhje me situatën e krijuar ku seriozisht po rrezikohet jeta e qytetarëve të Kosovës, me pasoja shumë më të rënda”, thuhej në reagimin e KMDLNJ-së.

Ndryshe, hartimi i ligjit të veçantë për menaxhimin me COVID-19 ishte kërkesë e Gjykatës Kushtetuese, pasi kishte shpallur antikushtetuese masat e Qeverisë Kurti për kufizim të lëvizjes./kp/infosot/

Komentet

Komente

Sqarim: Ndalohen fyerjet dhe përdorimi i gjuhës ofenduese. INFOSOT mban të drejtën e publikimit ose jo të një komenti të caktuar. Përmbajtja e komenteve nuk pasqyron, qëndrim editorial të redaksisë së portalit INFOSOT. Ju faleminderit për mirëkuptimin!


146 raste aktive, në Pejë ankohen se IKSHPK po vonon rezultatet e testimeve

146 raste aktive, në Pejë ankohen se IKSHPK po vonon rezultatet e testimeve

Chelsea e mund Norwichin, kualifikimi në Ligën e Kampionëve gjithnjë e më afër

Chelsea e mund Norwichin, kualifikimi në Ligën e Kampionëve gjithnjë e më afër

Veliu: Do të angazhohem për më të mirën në luftën kundër ekstremizmit dhe terrorizmit

Veliu: Do të angazhohem për më të mirën në luftën kundër ekstremizmit dhe terrorizmit

Qeveria Trump tërhiqet nga vendimi për të privuar nga vizat studentët e huaj

Qeveria Trump tërhiqet nga vendimi për të privuar nga vizat studentët e huaj

Ndalohen 60 persona pa maska në kryeqytet, gjobat nisin nga 500 euro

Ndalohen 60 persona pa maska në kryeqytet, gjobat nisin nga 500 euro

Hyseni: Aleanca Surroi–Kurti dhe VV në emër të keqqeverisjes lufton UÇK-në

Hyseni: Aleanca Surroi–Kurti dhe VV në emër të keqqeverisjes lufton UÇK-në

​Daut Haradinaj: Zyrtarë të qeverisë Kurti janë takuar fshehtas me zyrtarë serbë, le ta pyesin AKI-në iu tregon

​Daut Haradinaj: Zyrtarë të qeverisë Kurti janë takuar fshehtas me zyrtarë serbë, le ta pyesin AKI-në iu tregon

Edhe 13 viktima nga COVID-19, në 24 orët e fundit në Serbi

Edhe 13 viktima nga COVID-19, në 24 orët e fundit në Serbi

Gucati: Gjykata Speciale po e sulmon direkt UÇK’në, jo vetëm Thaçin dhe Veselin

Gucati: Gjykata Speciale po e sulmon direkt UÇK’në, jo vetëm Thaçin dhe Veselin

Rrëfimi prekës i mjekut nga “vija e frontit” të luftës me Covid-19

Rrëfimi prekës i mjekut nga “vija e frontit” të luftës me Covid-19

Daut Haradinaj flet për aktakuzën ndaj Thaçit dhe Veselit nga Gjykata Speciale

Daut Haradinaj flet për aktakuzën ndaj Thaçit dhe Veselit nga Gjykata Speciale

Itali, regjistrohen 114 raste të reja me koronavirus

Itali, regjistrohen 114 raste të reja me koronavirus

​Zemaj akuzon Vitinë se bleu barna me çmim 500 % më shtrenjtë, lëndën e dërgon në prokurori

​Zemaj akuzon Vitinë se bleu barna me çmim 500 % më shtrenjtë, lëndën e dërgon në prokurori

Trump dhe Erdogan diskutojnë për situatën në Libi

Trump dhe Erdogan diskutojnë për situatën në Libi

Macron premton 100 miliardë euro shtesë për rimëkëmbjen ekonomike

Macron premton 100 miliardë euro shtesë për rimëkëmbjen ekonomike

​217 pacientë me Covid-19 në oksigjenoterapi, 11 të intubuar

​217 pacientë me Covid-19 në oksigjenoterapi, 11 të intubuar