IKSHP: Ndotja e ajrit po e kërcënon shëndetin e kosovarëve, duhen masa strategjike

20.11.2019 12:08
Rreshtat+- AShkronjat+- Printo
IKSHP: Ndotja e ajrit po e kërcënon shëndetin e kosovarëve, duhen masa strategjike

Instituti Kombëtar i Shëndetit Publik ka ngritur alarmin lidhur me ndotjen e ajrit në vendin tonë.

Përmes një komunikate për media, IKSH thotë se shkaktari kryesor për ndotjen e ajrit gjatë dimrit është përdorimi i qymyrit si lëndë djegëse për ngrohje.

IKSHP thotë se edhe gjatë këtij dimri, vlerat e ndotjes së ajrit pritet të jenë disa herë mbi normalen.

Për këtë arsye, IKSHP ka rekomanduar edhe disa masa mbrojtëse.

Njoftimi i plotë:

Ndotja e ajrit po kërcënon shëndetin e popullatës!

Instituti Kombëtar i Shëndetësisë Publike si Institucioni më i lartë shëndetësor, shkencor dhe profesional në vazhdimësi hulumton ndikimin e faktorëve mjedisor në shëndetin e popullatës, propozon dhe merr vendime profesionale dhe u rekomandon institucioneve kompetente eleminimin e mangësive të zbuluara dhe ndikimin e tyre të dëmshëm në shëndet.

Jemi të obliguar të informojmë popullatën me shkaqet e ndotjes së ajrit i cili mund të kërcënon shëndetin.

Në sezonin e dimrit, qyteti i Prishtinës po zhytet në smog që paraqet ndotje të kombinuar të ajrit me gazra dhe aerosole i cili vërehet gjithandej.

Vlerat e PM2.5 gjatë dimrit pritet të jenë disa herë mbi vlerat normale.

Efektet afatshkurta të aerondotjes nga partikulat sipas shumë të dhënave na çojnë drejt rritjes së numrit të sëmurëve me astmës bronkiale, bronkitet kronike, sëmundje kronike obstruktive të mushkërive tek moshat e shtyera, rritjen e numrit të pranimeve spitalore nga sëmundjet kardiovaskulare dhe ato respiratore, kancer, shkurtimin e jetës dhe rritjes e shkallës së mortalitetit.
Si burime potencialisht ndotëse tashmë të njohura janë termocentralet elektrike, përdorimi i ngrohjes në sezonën e dimrit, automjetet e vjetëruara dhe trafiku i dendur, djegja e shtuar e karburanteve dhe lëndëve të ngurta djegëse, djegja e mbeturinave, përdorimi i pesticideve, mungesa e sipërfaqeve të mjaftueshme gjelbëruese, mos pastrimi i rrugëve, ndërtimet gjatë tërë vitit pa plan të mirëfillt urbanistik, prania enorme e pluhurit në qytet.

Këtë situatë shqetësuese do ta rëndojnë edhe më shumë ditët e ftohëta që do të vijnë dhe rënjet e temperaturave që do ta vështirësonte edhe më shumë ndotjen e ajrit si pasojë e ngrohjes me lëndë të ndryshme djegëse të dëmshme dhe jokualitative që po përdorin qytetarët.

Duke analizuar situtën aktuale dhe parashikimi se edhe sivjet do të ballafaqohemi me të njejtën gjendje të ndotjes së ajrit,

Instituti Kombëtar, propozon këto:

Masa strategjike:
1.Urgjentisht të përpilohet një plan veprimi për përmirësimin e cilësisë së ajrit sidomos në kryeqytet.

Adoptimi dhe transpozimi i legjislacionit te ajrit në përputhje me direktivat e EU dhe standardeve të OBSH.
Implementimi i programeve kombëtare dhe projekteve të përbashkëta për fushën e aerondotjes.
Masa specifike:
Urgjentisht të hiqen nga përdorimi veturat e vjetra dhe veturat pa katalizator.
5. Inspektoratet e mjedisit të bëjnë kontrollin rigoroz të kualitetit të karburanteve dhe konsumimit të lëndëve të ngurta djegëse që përdoren për ngrohje nga qytetarët.
6. Shtimi i numrit të autobusëve me karburante ekologjike në transport publik.
7. Shtimi i sipërfaqeve gjelbruese në zona urbane.
8. Matja e kontaminimit në pikat kyqe në Kosovë dhe paraqitje ditore e rezultateve online.
C.Masa individuale (rekomandime shëndetësore për popullatën) kur ajri ka vlera të larta të ndotjes

Të redukohen daljet në qytet dhe ne vendet me ajër të ndotur sidomos në mëngjes dhe mbrëmje e sidomos personat që kanë sëmundje kronike të sistemit kardiovaskular dhe respirator, fëmijët dhe shtatzënat;
2. Të qëndrohet në shtëpi dhe mos të happen dritaret për aerosjen e dhomave derisa zgjasin vlkerat e larta.
3. Personat që pashmangshëm duhet të dalin në aktivitetet e tyre jashtë shtëpisë të përdorin maska mbrojtëse, të mbulojnë gojën e hundën me shall.
4. Të redukohet pirja e duhanit jashtë ku ka qarkullim të njerëzve, e domosdoshmërisht ndalimi i duhanpirjes brenda hapsirave të banimit, punës, shkollave dhe spitaleve.
5. Grupet e popullatës së rrezikuar të tilla si me sëmundje kronike pulmonare, zemrës, pacientët astmatik dhe të prirur për alergji, të moshuarit, fëmijët e vegjël, gratë shtatzëna rekomandohet që të kalojnë më shumë kohë në mjedise me nivele të ulëta të ndotësve, të tilla si malet dhe vendpushime të shëndetshme.
Ekspertët e Institutit Kombëtar paralajmërojnë dhe alarmojnë se poqese nuk merren masa urgjente, do të ketë efekte negative në dëmtimin e shëndetit dhe rritja e vdekshmërisë nga të gjitha shkaqet e sidomos nga sëmundjet kardiovaskulare dhe respiratore do të jetë shqetësuese.

Komentet

Komente

Sqarim: Ndalohen fyerjet dhe përdorimi i gjuhës ofenduese. INFOSOT mban të drejtën e publikimit ose jo të një komenti të caktuar. Përmbajtja e komenteve nuk pasqyron, qëndrim editorial të redaksisë së portalit INFOSOT. Ju faleminderit për mirëkuptimin!


Presidenti Thaçi ka njoftuar se të hënën do të intervistohet nga Gjykata Speciale

Presidenti Thaçi ka njoftuar se të hënën do të intervistohet nga Gjykata Speciale

Vuçiq dorëzohet, tërheq planin për orë policore pas protestave

Vuçiq dorëzohet, tërheq planin për orë policore pas protestave

Abazi – Hotit: Dorëheqja juaj, e paevitueshme

Abazi – Hotit: Dorëheqja juaj, e paevitueshme

Paqja Studentore udhëheq me Parlamentin e Studentëve të UP-së

Paqja Studentore udhëheq me Parlamentin e Studentëve të UP-së

Zemaj: Kemi 8 mijë policë, s’mund t’i ruajmë të gjithë në vetizolim

Zemaj: Kemi 8 mijë policë, s’mund t’i ruajmë të gjithë në vetizolim

Pompeo: SHBA-ja do të mbrojë të dhënat e amerikanëve nga aplikacionet kineze

Pompeo: SHBA-ja do të mbrojë të dhënat e amerikanëve nga aplikacionet kineze

Selmanaj tregon pse u shkarkua Vjosa Osmani

Selmanaj tregon pse u shkarkua Vjosa Osmani

Ish-ministri i Shëndetësisë jep alarmin, Kosova mund të bëhet si Italia – duhet masa urgjente

Ish-ministri i Shëndetësisë jep alarmin, Kosova mund të bëhet si Italia – duhet masa urgjente

Selmanaj tregon pse Franca ka rezerva ndaj Kosovës për liberalizim të vizave

Selmanaj tregon pse Franca ka rezerva ndaj Kosovës për liberalizim të vizave

Zemaj: E padrejtë të na kërkohet testi nga Maqedonia, do të shikojmë mundësinë për reciprocitet

Zemaj: E padrejtë të na kërkohet testi nga Maqedonia, do të shikojmë mundësinë për reciprocitet

​Limaj çmon gatishmërinë e Thaçit për t’iu përgjigjur ftesës për intervistim

​Limaj çmon gatishmërinë e Thaçit për t’iu përgjigjur ftesës për intervistim

​Hoti përfaqëson Kosovën në Bruksel

​Hoti përfaqëson Kosovën në Bruksel

Disa lagje të Prishtinës mbeten pa energji elektrike

Disa lagje të Prishtinës mbeten pa energji elektrike

​Rreth 900 të vdekur nga COVID-19 në Meksikë

​Rreth 900 të vdekur nga COVID-19 në Meksikë

Lista e dyfishtë e të infektuarve në zonat me shumicë serbe në Kosovë

Lista e dyfishtë e të infektuarve në zonat me shumicë serbe në Kosovë

Gucati: Thaçi do të dalë i pafajshëm

Gucati: Thaçi do të dalë i pafajshëm