Kryetari i Bujanovcit, Jonuz Musliu, ka demantuar mediat serbe rreth lajmit se të ardhurat e tij mujore kalojnë shifrën dymijë euro.
Ai ka thënë për Telegrafin se këto lajme janë të pavërteta, dhe se të hyrat mujore të tij e arrijnë vetëm gjysmën e shumës se pretenduar nga mediat.
“Unë nuk kam luftuar për para, as burgun nuk e kam bërë për para, mirëpo çdo herë synim kryesor e kam pasur avancimin e të drejtave të shqiptarëve”, ka thënë Musliu.
