Ministrja e Integrimit Evropian, Dhurata Hoxha, ka uruar qytetarët me rastin e Ditës së Kushtetutës, duke potencuar se është ndërtuar nga vullneti dhe e drejta e qytetarëve me plot respekt për lirinë, dinjitetin dhe të drejtat e secilit qytetar pa dallim.
Këtu, ne gjejmë frymëzim, për ecjen tonë, drejt vlerave integruese euro-atlantike. Ne do të jemi përjetësisht falënderues ndaj kontribuuesve për këtë të arritur, ka shkruar Ministrja Hoxha në rrjetin social.
Ja postimi i Ministres Hoxha në fb:
“Kushtetuta e Republikës së Kosovës është vepra më madhore pas pavarësisë tonë, e ndërtuar nga vullneti dhe e drejta e qytetarëve me plot respekt për lirinë, dinjitetin dhe të drejtat e secilit qytetar pa dallim, të deklaruara mbi konventat e pranuara ndërkombtarisht.
Kjo vepër e ndërtuar mbi traditën më përparimtare të qytetarëve tonë, përbën gurin themeltar dhe krenarinë e gjeneratës së pavarësisë, në shërbim të nevojave, mundësive dhe synimeve të vendit tonë.
Këtu, ne gjejmë frymëzim, për ecjen tonë, drejt vlerave integruese euro-atlantike. Ne do të jemi përjetësisht falënderues ndaj kontribuuesve për këtë të arritur.
Qytetarë të vendit tim, gëzuar Dita e Kushtetutës!”
