Haziri: Vjosa Osmani tash e 20 vjet e di që e ka “derën e hyrjes” në LDK

E publikuar: 26/03/2020 20:38
Rreshtat+- AShkronjat+- Printo

Nënkryetari i LDK-së, Lutfi Haziri, ka komentuar për kryetaren e Kuvendit, Vjosa Osmanin, duke thënë që LDK-ja nuk e ka në kulturën e vet që t’ia mbyll dyert askujt.

“Vjosa Osmani tash e 20 vjet e di që e ka “derën e hyrjes” në LDK. Është çështje e brendshme që lidershipi i LDK-së, në veçanti udhëheqja e saj e lartë që përfshin kryesinë e LDK-së dhe do ta diskutojmë në mënyrë që të kemi mirëkuptim. LDK nuk e ka në kulturën e vet çeljen e dyerve dhe largimin e njerëzve”.

Haziri ka theksuar në Info Magazine që LDK-ja është viktimë e linçimeve në rrjete sociale.

“Linçimet në rrjete sociale dhe metodat denigruese nuk i njeh kultura jonë politike”.Në seancën e djeshme, Vjosa Osmani, ka votuar kundër mocionit bashkë me dy deputetë tjerë të LDK-së.