Houston Rockets ka vazhduar serinë fantastike të fitoreve në NBA.
Skuadra nga Teksasi ka marrë edhe fitoren e nëntë radhazi, derisa ‘viktima’ e tyre ishte Portland Trail Blazers.
Në fund rezultati ishte shtatë pikë diferencë në të mirë të Rockets, 124-117, falë një ndeshje fantastike nga James Harden.
Harden ishte i jashtëzakonshëm duke shënuar 48 pikë, bëri tetë kërcime dhe dhuroi tre asistime.
Me lojë të mirë tek ‘Raketat’ u dalluan edhe Chris Paul me 26 pikë e Ariza me 13 të tjera.
Ndërkohë tek Blazers, më efikasit ishin Damien Lillard me 35 pikë e McCollum me 28 të tjera por të pamjaftueshme për fitore.
Cleveland Cavaliers është rikthyer te fitorja pas humbjes nga Indiana Pacers.
Finalistët e NBA-së, kanë triumfuar në shtëpi të tyre përballë Philadelphia 76ers me rezultat 105-98.
Si gjithmonë LeBron James ishte më efikasi tek vendasit me ‘Triple Double’ fantastik, 30 pikë 13 asistime dhe po aq kërcime.
Tek fitoret u rikthyer edhe Oklahoma City Thunder që pas vazhdimeve mposhti Memphis Grizzlies 102-101.
Carmelo Anthony dhe Steve Adams ishin më efikasit me nga 21 pikë, ndërsa një pikë më pak shënoi Russell Westbrook që në këtë takim bëri një tjetër ‘Triple Double’, me 20 pikë 14 asistime dhe 11 kërcime. /Telegrafi/
Rezultatet e mbrëmjes në NBA:
Cleveland Cavaliers – Philadelphia 105-98
Houston Rockets – Portland Blazers 124-117
Memphis Grizzlies – Oklahoma City Thunder 101-102
Charlotte Hornets – LA Lakers 99-110
Atlanta Hawks – Orlando Magic 117-110
Chicago Bulls – New York Knicks 104-102
Milwauke Bucks – Utah Jazz 117-100
Phoenix Suns – San Antonio Spurs 101-104
Brooklyn Nets – Miami Heat 89-101
Los Angeles Clippers – Washington Wizards 113-112
