Haradinaj: Liberalizimi i vizave duhet dhënë menjëherë

21.11.2020 20:02
Rreshtat+- AShkronjat+- Printo
Haradinaj: Liberalizimi i vizave duhet dhënë menjëherë

Kreu i Aleancës së Ardhmërisë së Kosovës (AAK), Ramush Haradinaj ka deklaruar se në kohën kur lufta e UÇK-së, vihet në dyshim, kur lidershipi i Kosovës po përballet me akuza në Hagë e kur ka plot probleme të brendshme, përfshirë këtu edhe pandeminë, Bashkimi Evropian nuk duhet të qëndronte indiferent, por duhet t’i shtrinte dorën Kosovës me disa veprime konkrete.

“Liberalizimi i vizave, njohja e plotë dhe statusi i kandidatit, është një fazë shumë e hershme e nisjes së rrugëtimit drejt BE”, u shpreh Haradinaj.

Ai tha se pas zhvillimeve të fundit që kanë ndodhur me ish-krerët e UÇK-së do ta vuajnë edhe institucionet e Kosovës.

“Shprehja e mosbesimit që ti ta bësh një gjykatë në vendin tënd tregon për nivel të dobët të shtetit ligjor, tregon për një pamundësi që për të gjykuar veprën e tillë. Pastaj lajmet se po gjykohen udhëheqësit e Kosovës, udhëheqësit e UÇK-së bëjnë dëm të madh në besim te palët e ndryshme, edhe ata politik e institucional, por edhe te ekonomia investitorët te shoqëria civile, opinioni, te media”, tha ai.

Haradinaj theksoi se Kosovës pos se i vështirësohet pozita e vet edhe në planin e brendshëm, do t’i vështirësohet edhe në rajon e më gjerë.

Më pas, Haradinaj tha se liria s’ka çmim, se për liri edhe jeta jepet edhe çdo gjë tjetër.

“Ne kemi dhënë jetë, kemi luftue edhe me rrezikun e jetës. Mirëpo kjo është një barrë që po i ngarkohet Kosovës tani, e Kosova për ta mbajt këtë barrë e vetme e ka të vështirë. E ka të vështirë për faktin që jemi edhe vend i ri. Kemi situatë të rëndë ekonomike për shkak të pandemisë, kemi çështje të pazgjidhura në rajon, sikurse dialogu me Serbinë e në këtë kohë besoj se BE duhet t’ja shtrinte dorën Kosovës me disa veprime konkrete, që përpos ndihmës që na jep me gjykatën, këtë ndihmë na e jep edhe Amerika edhe BE, se ata thonë se ne po ju ndihmojmë ju me vendos të drejtën me shqyrtu këto çështje të së kaluarës. Ok, ju po na jepni këtë ndihmë, po a mundeni me na dhënë edhe një ndihmë tjetër, që si Kosovë ne të përballojmë këtë gjendje pa pasojë të brendshme”, tha Haradinaj.

Ai tregoi edhe disa veprime që BE-ja mund t’i bëjë për Kosovën

“Cilat mund të ishin veprimet e BE-së të cilat mund t’i kishte dhënë menjëherë, psh: liberalizimi i vizave, për qytetarët e Kosovës. Jemi të vetmit në kontinent që nuk e kemi të drejtën e lëvizjes së lirë, jemi të izoluar. Njohjen nga pesëshja e BE-së që nuk e kanë njohur Kosovën. Ju e shihni kishte mjaft kritika për administratën e Presidentit Trump, për marrëveshjen e 4 shtatorit, por ajo solli njohjen e Izraelit e mendojmë që BE duhet të na ndihmojë për të na njohur pesëshja e vendeve që nuk e kanë njohur Kosovën, sepse në këtë mënyrë ia lehtëson Serbisë mërrëveshjen me Kosovën. Kur na njeh Greqia, Qipro, Rumania, Sllovakia e Spanja është më lehtë për Serbinë me njoft Kosovën. Argumentet i ka më të lehta për qytetarët e vet për me njoft Kosovën, e kështu i jepet Kosovës kandidatura”, tregoi kreu i AAK-së.

Haradina gjithashtu tha se liberalizimi i vizave, njohja e plotë dhe statusi i kandidatit është një fazë shumë e hershme e nisjes së rrugëtimit drejt BE.

“BE mendoj që duhet të na japë këto tri të drejta, por që do ndihmonin edhe menaxhimin e gjendjes së brendshme në të cilën ndodhemi tani si vend”, shtoi ai.

Komentet

Sqarim: Ndalohen fyerjet dhe përdorimi i gjuhës ofenduese. INFOSOT mban të drejtën e publikimit ose jo të një komenti të caktuar. Përmbajtja e komenteve nuk pasqyron, qëndrim editorial të redaksisë së portalit INFOSOT. Ju faleminderit për mirëkuptimin!


Një muaj paraburgim për të pandehurit S.V, akuzohet për dhunim

Një muaj paraburgim për të pandehurit S.V, akuzohet për dhunim

Rritja e pagës mesatare gjatë pandemisë, pasojë e largimeve nga puna

Rritja e pagës mesatare gjatë pandemisë, pasojë e largimeve nga puna

14 të vdekur, 639 raste të reja nga Covid-19

14 të vdekur, 639 raste të reja nga Covid-19

​“Skënderbeu” tani e tutje do të pushojë edhe në Prizren

​“Skënderbeu” tani e tutje do të pushojë edhe në Prizren

Rama i uron Ditën e Flamurit ish-presidentit Thaçi

Rama i uron Ditën e Flamurit ish-presidentit Thaçi

Kosova rrezikon të hyjë në krizë kushtetuese për postin e presidentit

Kosova rrezikon të hyjë në krizë kushtetuese për postin e presidentit

Bislimi thotë se kryeministri Hoti nuk e ka trurin për rimëkëmbje ekonomike

Bislimi thotë se kryeministri Hoti nuk e ka trurin për rimëkëmbje ekonomike

Kurti nga Prekazi: Vendi ende nuk ka sovranitet dhe integritet të plotë territorial

Kurti nga Prekazi: Vendi ende nuk ka sovranitet dhe integritet të plotë territorial

Jashari: Është e papranueshme 21 vjet pas luftës Kullat në Prekaz kanë mbetur në mëshirën e fatit

Jashari: Është e papranueshme 21 vjet pas luftës Kullat në Prekaz kanë mbetur në mëshirën e fatit

108 vjet nga shpallja e pavarësisë së Shqipërisë nga pushtimi Osman

108 vjet nga shpallja e pavarësisë së Shqipërisë nga pushtimi Osman

Hoti: Sot është ditë feste për çdo shqiptar

Hoti: Sot është ditë feste për çdo shqiptar

108 vjet nga shpallja e pavarësisë së Shqipërisë

108 vjet nga shpallja e pavarësisë së Shqipërisë

Pacolli kërkon shkarkimin dhe dënimin e ministrit Abrashi për përhapje të virusit

Pacolli kërkon shkarkimin dhe dënimin e ministrit Abrashi për përhapje të virusit

Ahmeti: Qeveria nuk duhet të dyfishojë gabimet logjike të masave

Ahmeti: Qeveria nuk duhet të dyfishojë gabimet logjike të masave

OBSH: Të paktën 60 % e popullatës duhet të imunizohet që të bllokohet COVID-19

OBSH: Të paktën 60 % e popullatës duhet të imunizohet që të bllokohet COVID-19

Institucione shkencore të Kosovës, Shqipërisë e Maqedonisë Veriore kundër Gjykatës Speciale

Institucione shkencore të Kosovës, Shqipërisë e Maqedonisë Veriore kundër Gjykatës Speciale