Haradinaj: Kosova ka forcuar pozicionin e saj në një kryeqytet kaq vendimmarrës të Evropës dhe botës

07.06.2019 17:53
Rreshtat+- AShkronjat+- Printo
Haradinaj: Kosova ka forcuar pozicionin e saj në një kryeqytet kaq vendimmarrës të Evropës dhe botës

“Nga vizita në Berlin dhe zhvillimet që kanë ndodhur atje, Kosova është në një nivel tjetër të marrëdhënieve bilaterale me Gjermaninë, me BE-në, pra ka avancim të proceseve tona, sikurse ka avancim edhe në atë që na intereson shumë, liberalizimin e vizave”, kështu tha Kryeministri i Republikës së Kosovës, Ramush Haradinaj, në konferencën për media pas kthimit nga vizita zyrtare në Berlin.

Kryeministri Haradinaj tha se vizita në Berlin është ndërlidhur me organizimin e Lutjeve Tradicionale, duke theksuar takimin me kancelaren e Republikës Federale të Gjermanisë, Angela Merkel dhe me deputetët e Bundestagut gjerman.

“Me këtë vizitë, këtë komunikim të ri dhe nivel të ri të marrëdhënieve i kemi dhënë shtytje përpara procesit të liberalizimit të vizave. Përveç pjesës time politike, e të vendimmarrjes, në Berlin qëndron edhe një grup teknik dhe profesional i cili vazhdon me punë në ballafaqim të të dhënave për implementim të vendimit për liberalizim”, tha kryeministri Haradinaj, duke theksuar se vendimi i Gjermanisë për t’i thënë PO liberalizimit do të jetë inkurajues edhe për vendet tjera, e po ashtu edhe për të hyrë në agjendë.

Kryeministri Haradinaj, në konferencën për media, tha se Kosova ka arritur një nivel të ri më të lartë të marrëdhënieve bilaterale me Gjermaninë në të gjitha temat që i ndërlidhin dhe në takimet e zhvilluara është konfirmuar serioziteti i Kosovës në punët e shtëpisë, në qeverisjen e brendshme dhe në proceset tjera.

“Po ashtu është konfirmuar serioziteti ynë në agjendën integruese për Kosovën në Evropë, në integrimet euroatlantike, por po ashtu është vërtetuar serioziteti në atë që dihet si temë e rëndësishme, dialogu me Serbinë”, tha kryeministri Haradinaj.

Duke theksuar se pozita e Kosovës ka shënuar avancim në raportet bilaterale me një shtet të fuqishëm të Evropës dhe botës, kryeministri Haradinaj, falënderoi kancelaren Merkel, Qeverinë gjermane, institucionet e Gjermanisë për këtë sjellje kaq serioze dhe korrekte me Kosovën.

“Kosova nuk e ka pasur këtë situatë me marrëdhëniet me Gjermaninë. Kjo është një fitore e Kosovës, një zhvillim i ri”, tha kryeministri Haradinaj, duke shtuar se është mirë që Kosova është në një pozicion të tillë në një kryeqytet kaq vendimmarrës të Evropës dhe botës.

Në fjalën e tij, para mediave, kryeministri Haradinaj, tha se Kosova ka vërtetuar se është palë serioze edhe sa i përket procesit të dialogut me Serbinë./Infosot/

Komentet

Komente

Sqarim: Ndalohen fyerjet dhe përdorimi i gjuhës ofenduese. INFOSOT mban të drejtën e publikimit ose jo të një komenti të caktuar. Përmbajtja e komenteve nuk pasqyron, qëndrim editorial të redaksisë së portalit INFOSOT. Ju faleminderit për mirëkuptimin!


Deda: Qeverinë mund ta rrëzonim në qershor, po presim zgjedhjet në LDK

Deda: Qeverinë mund ta rrëzonim në qershor, po presim zgjedhjet në LDK

Dy filma të gjatë Kosovarë mbështeten nga Agjensioni për Film i Maqedonisë Veriore

Dy filma të gjatë Kosovarë mbështeten nga Agjensioni për Film i Maqedonisë Veriore

Policia me masa shtesë gjatë sezonit veror

Policia me masa shtesë gjatë sezonit veror

Kryeministri Haradinaj ka një apel të rëndësishëm për bashkatdhetarët

Kryeministri Haradinaj ka një apel të rëndësishëm për bashkatdhetarët

Shqipëria – 25 mijë euro për Bujanocin, Serbia 40 milionë për serbët e Kosovës

Shqipëria – 25 mijë euro për Bujanocin, Serbia 40 milionë për serbët e Kosovës

Maloku pasi u ftua nga Tribunali: Djemtë e mi i nxora jashtë vendit, s’munda t’iu sigurojë kushte në Kosovë

Maloku pasi u ftua nga Tribunali: Djemtë e mi i nxora jashtë vendit, s’munda t’iu sigurojë kushte në Kosovë

A do të mbahet ‘Beer Fest-i’ i radhës në Prishtinë?

A do të mbahet ‘Beer Fest-i’ i radhës në Prishtinë?

Veseli dorëzon kërkesën për themelimin e Komisionit që heton Listat e Veteranëve

Veseli dorëzon kërkesën për themelimin e Komisionit që heton Listat e Veteranëve

Çka fshihet pas mashtrimit të Zaevit nga humoristët rusë?

Çka fshihet pas mashtrimit të Zaevit nga humoristët rusë?

Haradinaj i reagon Zaevit: Askush s’do ta ndajë Kosovën

Haradinaj i reagon Zaevit: Askush s’do ta ndajë Kosovën

Lajmi i fundit: Naim Malokun e kontakton Gjykata Speciale

Lajmi i fundit: Naim Malokun e kontakton Gjykata Speciale

Vetëvendosje kërkon largimin e Thaçit nga presidenca, pasi Zaev zbuloi detaje për ndarjen e Kosovës

Vetëvendosje kërkon largimin e Thaçit nga presidenca, pasi Zaev zbuloi detaje për ndarjen e Kosovës

Si kishte rënë Ramush Haradinaj në kurthin e dy komedianëve rusë sikurse miku i tij Zaev

Si kishte rënë Ramush Haradinaj në kurthin e dy komedianëve rusë sikurse miku i tij Zaev

Adoleshenti amerikan dënohet me burgim të përjetshëm, ia kishte hequr kokën shokut të vet

Adoleshenti amerikan dënohet me burgim të përjetshëm, ia kishte hequr kokën shokut të vet

Çështjet e mosmarrëveshjeve ndërmjet Bullgarisë dhe Serbisë

Çështjet e mosmarrëveshjeve ndërmjet Bullgarisë dhe Serbisë

Miliarderi amerikan akuzohet për trafikim vajzash

Miliarderi amerikan akuzohet për trafikim vajzash