Shefi i Grupit Parlamentar të PDK-së Adem Grabovci ka kundërshtuar qëndrimin e opozitës për ta bllokuar Kuvendin e Kosovës.
Duke folur në emër të deputetëve të PDK-së Grabovci ka thënë se PDK nuk është kundër debatit por jo në këtë formë.
“Kjo që po ndodhë nga kolegët e opozitës është një mohim i të drejtës së deputetit. Pakica po e mohon shumicën. Të gjithë deputetëve duhet t’iu lejohet mundësia të paraqesin qëndrimet dhe shqetësimet e tyre”, tha Grabovci.
Ky nuk ka harruar që ta lavdërojë kryetarin e Kuvendit Kadri Veseli për qëndrimin siç tha ai dinjitoz në mbrojtje të institucioneve.
