Google Maps lançon funksionin e mesazheve

E publikuar: 16/11/2018 15:36
Rreshtat+- AShkronjat+- Printo

Vitin e kaluar Google lançoi një funksion ku përdoruesit mund të dërgonin mesazhe bizneseve përmes profileve të tyre në Google.


Tashmë ky funksion do të integrohet në aplikacionin e hartave Google Maps. Çdo mesazh që keni dërguar tek bizneset do të shfaqet në Google Maps për iOS dhe Android.


Mjafton të klikoni butonin e menusë dhe më pas opsionin “Messages,” dhe do të shihni bisedat pa u larguar nga aplikacioni.

Gradualisht funksioni do të ofrohet për vende të ndryshme të botës.

Risia më e fundit është pjesë e disa përditësimeve të Google Maps të mbërritura muajt e fundit.

Deri më sot Google ka lançuar një buton “follow”, informacione për karikimin e makinave elektrike, një panel udhëtimi drejt vendit të punës dhe një opsion për planifikimin e eventeve. /PCWorld Albanian