Janë duke qarkulluar në internet disa spekulime, se dy piramida misterioze gjenden në fund të Oqeanit Atlantik.

Adhuruesit e teorive konspirative kanë debatuar shumë rreth një video të postuar në YouTube, ku shihen dy struktura të lashta të ndërtuara në bregun e Bahamas, transmeton Telegrafi.

Ata besojnë se kjo dëshmon se në këtë regjion dikur ka jetuar një fis i lashtë, të ngjashëm me ata Aztec në Amerikën e Jugut.

Videoja është postuar në llogarinë SecureTeam10 në YouTube, që tashmë është bërë “vatër” e disa videove të UFO-ve dhe gjërave paranormale që ndodhin.

Scott Waring i cili ka krijuar ueb-faqen që vazhdimisht shkruan për UFO-të, është kontribuues i rregullt i këtij kanali që ka publikuar videon.

Ai po përdorte Google Earth për të analizuar anomalitë në fund të oqeanit, mbeti i shokuar kur rastësisht pa disa forma të çuditshme thellë në ujë.

“I kam gjetur këto dy piramida në fund të oqeanit afër ishullit New Providence, që nuk është edhe aq larg nga Florida”, ka deklaruar Waring.

“Linjat e piramidave lehtë mund të identifikohen dhe janë dëshmi se në afërsi të ishullit dikur ka jetuar një popull i lashtë të ngjashëm me Aztec”, ka shtuar ai.

Këto piramida dyshohen se kanë ndikuar vazhdimisht në aktivitete paranormale në Trekëndëshin e Bermudeve që deri më sot ka “përpirë” anije e aeroplanë në mënyrë misterioze, pa lënë as edhe një gjurmë. /Telegrafi/