Gjilan: Aksidentohet për vdekje 54 vjeçarja

E publikuar: 24/03/2017 13:26
Rreshtat+- AShkronjat+- Printo

Një grua 54 vjeçare është goditur për vdekje nga një veturë derisa po kalonte rrugën mbrëmë rreth orës 22:00 në Gjilan, saktësisht në rrugën “Idriz Seferi”.

Lajmin për Klan Kosovën e ka konfirmuar edhe zëdhënësi i policisë për rajonin e Gjilanit, Ismet Hashani.

Goditja e rëndë i kishte shkaktuar lëndime trupore të aksidentuarës, të cilës ndihma e parë i ishte dhënë në spitalin e Gjilanit e më pas ishte transferuar në QKUK në Prishtinë.

Përkundër përpjekjeve, rrethe orës 01:22 të së premtes e aksidentuara ka ndërruar jetë.

Ndërsa me urdhër të prokurorit të shtetit drejtuesi 21 vjeçar i veturës që shkaktoi aksidentin është ndaluar për 48 orë.

Trupi i pa jetë i të ndjerës është dërguar për obduksion.