Gjermania: Jemi në koordinim konstant me ShBA-në rreth situatës në Ballkanin Perëndimor

13.05.2019 14:06
Rreshtat+- AShkronjat+- Printo
Gjermania: Jemi në koordinim konstant me ShBA-në rreth situatës në Ballkanin Perëndimor

Samiti i Berlinit ka qenë i organizuar në koordinim të plotë ndërmjet Gjermanisë dhe Shteteve të Bashkuara të Amerikës. Një zyrtar gjerman ka thënë se ata për çështjet që kanë të bëjnë me Kosovën dhe Serbinë, kanë një komunikim dhe bashkëpunim konstant me Shtëpinë e Bardhë, duke hedhur poshtë pretendimet e Thaçit se në Berlin nuk kishte koordinim gjermano-amerikan.

Presidenti i Kosovës, Hashim Thaçi, është munduar që vazhdimisht ta zhvleftësojë atë që ka ndodhur në Samitin e Berlinit, që u mbajt muajin e kaluar, nën organizimin franko-gjerman. Sipas tij, gjithçka që ka ndodhur në kryeqendrën gjermane, nuk ishte në koordinim mes nikoqirëve dhe ShBA-së, ani pse këtë mund ta kishte kuptuar në Berlin në ditën e Samitit kur pala kosovare kishte shkuar për takim me Ambasadorin amerikan në kryeqytetin gjerman. Por, Thaçi atë ditë s’kishte bërë zë, “moskoordinimi” europiano-amerikan i ka rënë në mend disa ditë pas kthimit në atdhe për ta përdorur nëpër studio televizive.

“Unë kam qenë i tmerruar kur u informova se për Samitin e Berlinit nuk ka pasur informim dhe komunikim me SHBA. Aty ku nuk janë SHBA nuk ka sukses, nuk ka progres, nuk ka siguri as për dialog, as për negociata dhe pas për ndonjë implementim.”, kishte deklaruar Thaçi me 9 maj në një intervistë për ‘Ora News’

Mirëpo këto pretendime të Hashim Thaçit janë demantuar sot nga Qeveria e kancelares, Angela Merkel, në një përgjigje për Express.

Ata thonë se Samiti i Berlinit ishte organizuar në bashkëpunim të plotë me Shtetet e Bashkuara të Amerikës, duke specifikuar se për çështjet që kanë të bëjnë me Ballkanin Perëndimor respektivisht Kosovën dhe Serbinë, kanë koordinim të ngushtë dhe të vazhdueshëm me SHBA-në.

“Kancelarja e Gjermanisë dhe presidenti i Francës, kanë ftuar krerët e shtetit dhe të Qeverisë së gjashtë shteteve të Ballkanit Perëndimor, Kroacisë dhe Sllovenisë, dhe përfaqësuesen e lartë dhe zëvendës presidenten e Komisionit Evropian, Federika Mogherinin. Qeveria gjermane sigurisht që është në koordinim të ngushtë dhe konstant me Shtetet e Bashkuara të Amerikës në nivele dhe çështje të ndryshme, përfshirë këtu edhe situatën në Ballkanin Perëndimor” kanë thënë nga Zyra për Media e Qeverisë së kancelares, Angela Merkel.

Por ata nuk kanë pranuar të tregojnë detaje të hollësishme rreth bashkëpunimit gjermano-amerikan, sa i përket çështjeve që kanë të bëjnë rreth Kosovës dhe Serbisë.

“Megjithatë ju lutemi ta na kuptoni se nuk mund të japim më shumë detaje rreth këtij koordinimi”, thuhet në përgjigje.

Presidenti Thaçi, përveç që është munduar të zhvleftësojë atë që ka ndodhur në Berlin, ka thënë se nëse nuk do të përfshihen SHBA-të edhe në Samitin e Parisit, atëherë nga një takim i tillë nuk mund të pritet ndonjë rezultat, pasi sipas tij pa përfshirjen e SHBA-ve nuk mund të zgjidhet problemi ndërmjet Kosovës dhe Serbisë.

Sa i përket Samitit të Parisit, në Qeverinë Gjermane thonë që për momentin nuk mund të japin detaje rreth organizimit.

“Në këtë kohë, ne nuk mund t’iu japim detaje rreth planeve për takimin në Paris”, përfundon përgjigja e zyrës për media të kancelares gjermane.

E se kishte koordinim në mes të Merkelit, Markonit e SHBA-së për organizmin e Samitit të Berlinit e thotë edhe ish-kryenegociatorja që ka udhëhequr me bisedimet Kosovë-Serbi për rreth 7 vjet, Edita Tahiri.

Tahiri ka thënë se Hashim Thaçi, po manipulon, pasi që edhe vetë ai e di që për takimin në Berlin kishte koordinim mes Gjermanisë, Francës dhe SHBA-së.

Sipas saj, këto deklarime të Thaçit dhe kjo tendencë e tij për të paraqitur si diçka të parëndësishme atë që ka ndodhur në Berlin, vijnë për shkak se atje është groposur ideja e tij për korrigjim të kufijve ndërmjet Kosovës dhe Serbisë.

“Arsyeja është e qartë. Të gjithë e kemi pa. Fakti që Samiti i Berlinit i fundosi këta politikanë shkurtpamës, siç është vetë Thaçi, Rama, Vucic e Mogherini, dhe ky dështim ishte një fitore për Kosovën. Këto deklarata që bëhen janë sa për të mbuluar dështimin, por s’kanë kurrfarë vlere. Këto janë deklarata manipulative, gjëja me e vendos në hije dështimin” thotë ajo duke rikujtuar se Samiti i Berlinit ishte historik për Kosovën”, ka thënë Tahiri të shtunën.

Ndërkohë përveç ish-ministres për Dialogun, Samitin e Berlinit e kanë parë si jashtëzakonisht të suksesshëm edhe shumë deputetë të Bundestagut gjerman.

Ata kanë thënë se janë të gëzuar që në Berlin mori fund një ide që do të mund të rikthente konfliktet e vjetra në Ballkan.

Samiti i Berlinit do të ketë si vazhdimësi Samitin që do të mbahet me 1 korrik të këtij viti në Paris, e ku do të marrin pjesë vetëm përfaqësues të Kosovës, Serbisë, me ndërmjetësuesit Merkel dhe Mogherini.

Këtë e ka konfirmuar kryeministri Ramush Haradinaj, në një intervistë dhënë televizionit T7 një ditë pas Samitit të Berlinit.

“Nuk ka më dialog të Mogherinit. Tashmë është një format i ri i dialogut, që udhëhiqet nga kancelarja Merkel dhe presidenti Makron, kishte thënë Haradinaj.

Para udhëtimit në Paris me 1 korrik, Thaçi ka paralajmëruar se mund të ketë një vizitë për në Shtetet e Bashkuara, megjithatë nuk ka dhënë detaje për diçka të tillë.

Komentet

Komente

Sqarim: Ndalohen fyerjet dhe përdorimi i gjuhës ofenduese. INFOSOT mban të drejtën e publikimit ose jo të një komenti të caktuar. Përmbajtja e komenteve nuk pasqyron, qëndrim editorial të redaksisë së portalit INFOSOT. Ju faleminderit për mirëkuptimin!


Haradinaj akuzon Thaçin e Veselin se e kanë dobësuar pozicionin e Kosovës karshi Serbisë

Haradinaj akuzon Thaçin e Veselin se e kanë dobësuar pozicionin e Kosovës karshi Serbisë

Vullin: Ushtria e Kosovës, kërcënimi më i madh për sigurinë në Ballkan

Vullin: Ushtria e Kosovës, kërcënimi më i madh për sigurinë në Ballkan

Zhgënjimi me drejtësinë

Zhgënjimi me drejtësinë

Daut Haradinaj: Edhe Dukagjini të trajtohet si krejt Kosova, autostrada duhet të ndërtohet

Daut Haradinaj: Edhe Dukagjini të trajtohet si krejt Kosova, autostrada duhet të ndërtohet

50 aktakuza për 24 orë

50 aktakuza për 24 orë

Me “10 Rregullat e Arta të Sigurisë Rrugore” drejt një komunikacioni më të sigurt

Me “10 Rregullat e Arta të Sigurisë Rrugore” drejt një komunikacioni më të sigurt

Haradinaj takohet me ambasadorin gjerman, bisedojnë për liberalizimin e vizave

Haradinaj takohet me ambasadorin gjerman, bisedojnë për liberalizimin e vizave

Engel në takim me Veselin: BE-ja të ndërmarrë hapa të shpejtë për liberalizimin e vizave dhe Serbia ta njohë Kosovën

Engel në takim me Veselin: BE-ja të ndërmarrë hapa të shpejtë për liberalizimin e vizave dhe Serbia ta njohë Kosovën

Haradinaj i druhet armatimit të Serbisë

Haradinaj i druhet armatimit të Serbisë

Një muaj paraburgim shtetasit maqedonas të kërkuar nga Interpoli

Një muaj paraburgim shtetasit maqedonas të kërkuar nga Interpoli

Veseli në Kongresin Amerikan bën thirrje për njohje nga vendet që s’e kanë njohur Kosovën

Veseli në Kongresin Amerikan bën thirrje për njohje nga vendet që s’e kanë njohur Kosovën

Ish-kryeprokurorja speciale dyshohet për përfshirje në ryshfet

Ish-kryeprokurorja speciale dyshohet për përfshirje në ryshfet

Limaj: Kosova duhet të flasë me një zë në dialogun me Serbinë

Limaj: Kosova duhet të flasë me një zë në dialogun me Serbinë

Tahiri: Së shpejti nis rekrutimi për përmbarues privat

Tahiri: Së shpejti nis rekrutimi për përmbarues privat

Ekskluzive: Blerim Devolli e çon te përmbaruesi Telekomin për t’ia marrë 25 milionët

Ekskluzive: Blerim Devolli e çon te përmbaruesi Telekomin për t’ia marrë 25 milionët

Prokuroria hesht lidhur me përgjimet ndaj BDI-së

Prokuroria hesht lidhur me përgjimet ndaj BDI-së