Gjermania e polarizuar

05.10.2016 12:51
Rreshtat+- AShkronjat+- Printo
Gjermania e polarizuar

Festa e bashkimit të Gjermanisë nuk i anashkalon dot sfidat e mëdha që i kanë dalë përpara shoqërisë gjermane. Integrimi i refugjatëve është tani detyra më e madhe që nga bashkimi gjerman para 26 vitesh, shkruan Steiner

Për më shumë se një çerekshekulli, 3 Tetori ka qenë për Gjermaninë një ditë reflektimi për barazimin apo jo të standardit të jetesës në Lindje me Perëndimin, apo për gjendjen emocionale në dy pjesët e dikurshme të ndara. Por këtë vit, 3 Tetor 2016, nuk kishte asgjë më të papërshtatshme se të merreshe me këtë temë. Kjo, sepse me ardhjen e 1 milion emigrantëve nga viti i kaluar, vendi ndodhet para sfidave të një cilësie tjetër.

Detyra më e madhe që nga bashkimi i Gjermanisë.

Kancelarja e di këtë, prandaj që para disa muajsh, ajo e ka përcaktuar pranimin dhe integrimin e të sapoardhurve, si detyrën më të madhe, që nga bashkimi i Gjermanisë. Por më shumë se shprehja e njohur “Ne ia dalim mbanë”, nuk kemi dëgjuar gjë tjetër, as nga ajo, e as nga goja e presidentit federal.

Po, shteti ka arritur të bëjë shumë: nga strehimi e përkujdesja deri te regjistrimi i refugjatëve (në fund të shtatorit e dinte më në fund Ministria e Brendshme se sa vetë kanë ardhur). Po punohet me të gjitha forcat, kështu thotë Angela Merkel që “një situatë e tillë të mos përsëritet”. Gjë që në thelb nuk është gjë tjetër, veçse izolim me të gjitha mjetet -ligje, marrëveshje me shtete të tjera, kontrolle të vazhdueshme kufitare.

Por integrimin e të sapoardhurve nuk mund ta bëjë vetëm shteti – për këtë nevojitet e gjithë shoqëria: Fqinjë që i mirëpresin fqinjët e rinj; Mësues që janë të angazhuar dhe i përkrahin të rinjtë; Firma me praktika profesionale që u japin një shans, atyre që nuk flasin perfekt gjermanisht. Por apele të tilla mungojnë. 3 Tetori do të kishte qenë një ditë e mirë për këtë.

Urrejtje e hapur në mediat sociale

Nga vera e vitit të kaluar ka dalë në pah edhe një sfidë tjetër: Shoqëria gjermane është polarizuar si kurrë ndonjëherë në historinë e re. Humbja masive e votave të CDU-së dhe SPD-së, ngjitja spektakolare e AFD-së, vetëm sa zbulojnë majën e ajsbergut. Më shqetësuese është ashpërsimi i gjuhës në mediat sociale.

Këtu, persona që as nuk e fshehin emrin, propagandojnë hapur dhunën si mjet të përballjes politike. Ata ngrihen kundër elitave sunduese dhe nxisin urrejtje kundër refugjatëve. Sigurisht, kjo ka pasoja: “Digjen qendra zili, japin dorëheqjen kryebashkiakë, pasi u kërcënohen familjet, automjeteve të politikanëve u vihet flaka. Armiqtë e demokracisë gjenden më së shumti djathtas, por jo vetëm aty.”

Drezdeni – demokratët nuk fshihen

Fakti që Drezdeni ishte qyteti i zgjedhur për festimet e 3 Tetorit, është një rastësi federale, por ndoshta edhe një sinjal: Drezdeni, qyteti ku muaj para krizës së refugjatëve, demonstratat e Pegidas me varjen simbolike të Merkelit tërhoqën mijëra vetë. Drezdeni – qyteti ku këtë javë u vendosën lëndë shpërthyese para një xhamie dhe një qendre kongresesh.

Sigurisht kjo të frikëson, megjithatë kancelarja, presidenti federal shkuan në këtë qytet – për të treguar se demokracia nuk lëkundet, se përfaqësuesit e saj nuk stepen, por qëndrojnë në kontakt me qytetarët. Ndoshta mund të fillohet të, pse pikërisht në këtë qytet është kaq e madhe frika nga islamizimi. Para 100 vjetësh, Drezdeni lejoi ndërtimin e një fabrike gjigante të cigareve, me pamjen e një xhamie, e që bën pjesë në imazhin e qytetit, që atëherë. Do të ishte mirë, sikur guximi dhe kozmopolitizmi i vitit 1908 të lidhej sërish me Drezdenin në të ardhmen.

Komentet

Komente

Sqarim: Ndalohen fyerjet dhe përdorimi i gjuhës ofenduese. INFOSOT mban të drejtën e publikimit ose jo të një komenti të caktuar. Përmbajtja e komenteve nuk pasqyron, qëndrim editorial të redaksisë së portalit INFOSOT. Ju faleminderit për mirëkuptimin!


Paralelizma ballkanike

Paralelizma ballkanike

Kutia e Pandorës e Epokës Digjitale

Kutia e Pandorës e Epokës Digjitale

Edi Rama dhe Sali Berisha shtojca të gjalla të ligësisë Enver Hoxha

Edi Rama dhe Sali Berisha shtojca të gjalla të ligësisë Enver Hoxha

Trebeshinën historia duhet ta regjistrojë si disident, jo si shkrimtar

Trebeshinën historia duhet ta regjistrojë si disident, jo si shkrimtar

Humori i zi për politikën e zezë

Humori i zi për politikën e zezë

Një gjest në Bruksel, që nuk ndihmon!

Një gjest në Bruksel, që nuk ndihmon!

Dy fjalë për studentin i Stanfordit dhe lidershipin e Lutfi Hazirit

Dy fjalë për studentin i Stanfordit dhe lidershipin e Lutfi Hazirit

Urgjenca morale për shëndetin mendor

Urgjenca morale për shëndetin mendor

Demokracia përtej shtetit sovran

Demokracia përtej shtetit sovran

Gjermania e re e Angela Merkelit

Gjermania e re e Angela Merkelit

Gjykata Speciale: Ndërmjet mosbesimit e viktimizimit

Gjykata Speciale: Ndërmjet mosbesimit e viktimizimit

Shtatë “gabimet” e kryeprokurorit Lumezi

Shtatë “gabimet” e kryeprokurorit Lumezi

Si t'i luftojmë demagogët populistë

Si t'i luftojmë demagogët populistë

Edhe një rrëfim (fiktiv) për Zoran Vukotiqin

Edhe një rrëfim (fiktiv) për Zoran Vukotiqin

Fashizmi i Vetonit dhe "raca drenicake"

Fashizmi i Vetonit dhe "raca drenicake"

Historia e Lidhjes Demokratike të Kosovës, sipas meje

Historia e Lidhjes Demokratike të Kosovës, sipas meje