Gjërat që duhet dhe nuk duhet t’i bëni vetë në dasmën tuaj

E publikuar: 21/01/2018 09:10
Rreshtat+- AShkronjat+- Printo

Kur flasim për buxhetin, shifrat janë vërtetë domëthënesë por nëse bëjmë një përmbledhje të gjërave që mund të bëjmë vetë pa cenuar mbarëvajtjen e së gjithës, mund të arrijmë të kursejmë sadopak…

Më poshtë kemi përcaktuar një listë me 5 gjëra që mund dhe s’mund t’i bëjmë vetë.

1.      Torta e dasmës

Ky nuk është rasti i duhur për t’i bërë qejfin tezes apo hallës që gatuan mirë! Në ditën e dasmës tuaj duhet të keni patjetër një tortë me shije të mirë dhe dekor të dedikuar… Për këtë arsye, torta nuk është në listën e gjërave që ju duhet t’i bëni vetë për efekt kursimi! Nëse lidheni me një kompani eventesh, ata do t’ju drejtojnë te profesionistët e vërtetë të kësaj gjëje…

2.      Shkrimi i ftesave të dasmës

Nëse përqendroheni duke u treguar të duruar nën shoqërinë e një muzike të mirë, ju apo një person i afërt që dallohet për shkrim të bukur, mund t’i shkruajë ftesat në mënyrë vërtetë profesionale. Nuk keni përse të shpenzoheni duke punësuar dikë apo duke i printuar ato me shkrim kompjuterik! Shkrimit të dorës nuk i ikën kurrë moda…

3.      Muzika

Një ipod jo profesional me bokse të improvizuara do t’ju rrezikojë atmosferën në dasmën tuaj. Pavarësisht se mendoni që ju keni shije në muzikë, një Dj do ketë shumë më tepër për të dhënë në mënyrë që të ftuarit të kënaqen në festën tuaj!

4.      Grimi dhe flokët

Grimi: Me tutoriale profesionale që jemi mësuar të shohim online mund të themi se kemi fituar pak siguri në bërjen e grimit në mënyrë interesante…Sigurisht që një rol shumë të rëndësishëm luajnë edhe produktet kozmetike që do të përdorim, të cilat nëse do jenë të duhurat do të na ndihmojmë që grimin ta bëjmë vetë e rezultati të jetë pozitiv. Flokët: Edhe pse kemi vite që shohim vajza që përpiqen vetë për të krijuar një model flokësh interesant, rrallëherë kemi parë një “hairstyle” të realizuar në mënyrë perfekte… Meqenëse është dita juaj, mundohuni të shkëlqeni duke kontaktuar një profesionist.

5.      Fustani

Nuk kemi parë ende një fustan nusërie brilant të bërë me shumë dashuri por me pak profesionalizëm… Fustani është elementi “kyç” që do të shoqërojë nusërinë tuaj përgjatë gjithë ditës, mos e rrezikoni atë duke ia besuar personave që nuk janë profesionistë të fushës!/revistaclass