Gjakovë, dënohet me 1 mijë euro për ‘armën e gjyshit’

E publikuar: 29/11/2018 17:26
Rreshtat+- AShkronjat+- Printo

Valon Frrokaj është dënuar nga Gjykata Themelore në Gjakovë me 1600 euro për armëmbajtje pa leje.
Sipas aktakuzës, Frrokajt në mars të këtij viti gjatë bastisjes së shtëpisë nga policia, i ishte gjetur një pushkë ajrore, një pistoletë, municion dhe shufër metalike.

Gjykata e Gjakovës ka dënuar me gjobë të akuzuarin për posedim të paautorizuar të armëve.

Gjykata gjithashtu vendosi që Frrokajt t’ia konfiskojë pistoletën dhe pushkën ajrore.

Valon Frrokaj para gjykatës e pranoi fajësinë.

“Është e vërtetë se pushka ajrore është gjetur në dhomën time, ndërsa pistoleta ka qenë e gjyshit tim, i cili ka ndërruar jetë dhe unë e kam përdorur të njëjtën në një dasmë”, tha Frrokaj.

Ndërsa prokurori i rastit Armend Zenelaj nuk e kundërshtoi pranimin e fajësisë nga i akuzuari duke thënë që ka mbështetje në aktakuzën e Prokurorisë.