Giannis mposht Hardenin në duelin për MVP, Bucks nënshtrojnë Houstonin në udhëtim

E publikuar: 10/01/2019 11:04
Rreshtat+- AShkronjat+- Printo

Milwaukee Bucks ka triumfuar në duelin kryesor të mbrëmjes së kaluar në NBA ndaj Houston Rockets me rezultat 116-109.

Sfida ishte intensive gjatë gjithë takimit me mbrojtje të forta nga dy skuadrat.

Sfida ishte e barabartë deri në çerekun e tretë ku edhe u bë diferenca mes dy ekipeve e ku edhe u krijua epërsia prej 15 pikësh që nuk arriti të shkrihej.

Më i miri në këtë takim ishte James Harden me 42 pikë, 11 kërcime dhe 6 asistime, kurse Capela shtoi 18 pikë e 13 kërcime te Houstoni.

Giannis Antetekounmpo kishte po ashtu paraqitje të madhe me 27 pikë e 21 kërcime, double double monstruoz i tij ky me numër më të madh të kërcimeve të regjistruara në karrierë.

Kështu greku spektakolar e ka fituar përballjen direkte me James Harden në duelin direkt për çmimin MVP.

Bucks pas kësaj fitore ka vendin e parë me 29 fitore në konferenën e Lindjes duke qenë vetëm një fitore përpara Torontos, ndërsa Houstoni me 23 fitore bie në vendin e gjashtë në Perëndim. /Telegrafi/