Pas spektaklit që dhuroi Mohamed Salah në ndeshjen kundër Romës, Steven Gerrard e ka lavdëruar futbollistin e Liverpoolit duke e etiketuar si lojtarin më të mirë në botë aktualisht.
Egjiptiani shënoi dy gola dhe asistoi në dy të tjerë, në fitoren prej 5-2 të Redsave ndaj Giallorossëve.
Foto: Getty Images
Dhe natyrisht se ish-kapiteni i Liverpoolit ka vetëm fjalë miradije për lojtarin 25-vjeçar.
“(Salah) është në formë jetësore. Është vështirë ta krahasosh me (Cristiano) Ronaldon dhe (Lionel) Messin, për atë që ata e kanë bërë për një kohë shumë të gjatë dhe kanë qenë vazhdimisht në formë”.
Foto: Getty Images
“Mirëpo, pa kurrfarë dyshimi, ai është lojtari më i mirë në planet aktualisht”, është shprehur Gerrard për BT Sport.
Salah u transferua te Liverpooli në verën e kaluar pikërisht nga Roma dhe po kalon një sezon të jashtëzakonshëm.
Ai tashmë është shpallur lojtari më i mirë në futbollin anglez, ndërsa është duke shkëlqyer edhe në skenën ndërkombëtare. /Telegrafi/
