Gazetarët që deshën ta bënin Afganistanin vend më të mirë

30.04.2018 18:11
Rreshtat+- AShkronjat+- Printo
Gazetarët që deshën ta bënin Afganistanin vend më të mirë

Gazetari i Radios Afganistani i Lirë, Abadullah Hananzai, më 25 prill kishte shprehur zemërimin e tij, pasi kishte mësuar se një ish-koleg i tij ishte vrarë në Kandahar.

“Vrasja e ish-kolegut të Kabul News, gazetarit Abudl Manan Arghand më ka mërzitur shumë”, Hananzai kishte shkruar në llogarinë e tij në Facebook. “Arghand tash është martir i lirisë së shprehjes”.

Ky do të ishte postimi i fundit publik i Hanazait në Facebook.

Hananzai dhe producenti i Radios Afganistani i Lirë, Sabawoon Kakar janë në mesin e disa gazetarëve të vrarë në sulmin vetëvrasës me bombë në Kabul më 30 prill. Gazetarët po mbulonin një sulm të mëhershëm, kur një sulmues vetëvrasës, duke pretenduar se është gazetar, i është afruar gazetarëve dhe ka shpërthyer eksplozivët e tij.

Maharram Durrani, një studente 28-vjeçare, e cila po kryente trajnime për t’u bërë gazetare në byronë e Radios Evropa e Lirë në Afganistan, gjithashtu u vra në këtë sulm.

Sulmet, për të cilat përgjegjësinë e morrën militantët e Shtetit Islamik, lanë të vrarë të paktën 25 persona dhe 45 të tjerë u plagosën. Qendra për Gazetarët në Afganistan tha se nëntë gazetarë janë vrarë. Kjo ngjarje shënon sulmin më të përgjakshëm ndaj gazetararëve në Afganistan që prej rënies së regjimit të talibanëve më 2001.

Abadullah Hananzai

Hananzai që prej tetorit të vitit 2016 po punonte në një projekt të Radios Evropa e Lirë kundër narkotikëve, që quhej “Karvani i Helmit”.

I diplomuar në Universitetin e Kabulit, Hananzai ishte 26-vjeçar dhe po bëhej gati që të festonte përvjetorin e parë të martesës më 8 maj.

Më parë ai kishte punuar në Kabul News dhe televizionin Zhwandoon. Po ashtu ai kishte punuar edhe në Qendrën Kulturore dhe Edukuese për Gratë afgane.

Raportimet e fundit të Hananzait kishin në fokus tema sociale dhe ekonomike si dhe ndikimin e varësisë nga narkotikët në Afganistan. Ai po ashtu kishte shkruar për përpjekjet e Ministrisë së Brendshme afgane për të luftuar trafikimin e narkotikëve në Afganistan.

Njëri prej postimeve të fundit të Hananzait në Facebook ishte një mesazh i shkruar në anglisht më 19 prill dhe një fotografi që kishte bërë në zyret e REL-it në Afganistan, pas një stuhie të shiut.

“Ndihemi për mrekulli. Gjej paqe në shi”, kishte shkruar ai.

Sabawoon Kakar

Kakar ishte njëri prej gazetarëve të parë që kishte arritur në vendin ku kishte ndodhur sulmi i parë vetëvrasës në mëngjesin e 30 prillit në Kabul.

Ai vdiq disa orë më pas pas plagëve të marra në sulmin e dytë.

Kakar ishte anëtar kyç i ekipit të prodhimit të videove të Radios Afaganistani i Lirë, në pesë vjetët e fundit.

Ai kishte punuar në disa storie që trajtonin çështjet sociale në Afganistan – si statusi i femrave në ligën e kriketit në Afganistan – por ai kishte raportuar edhe për operacionet anti-terror dhe për tema të sigurisë.

Videoja e fundit që Kakar kishte bërë ishte më 29 prill. Kjo video ishte prodhuar së bashku me reporterët e REL-it në provincën veriore të Baghlan dhe fliste për betejën në mes të forcave të sigursië afgane dhe militantëve talibanë.

“Ai shpesh ka mbuluar edhe sulmet vetëvrasësëse dhe ngjarje që kanë qenë në vende të rrezikshme”, thotë Qadir Habib, redaktor i Radios Afganistani i Lirë. “Ai ishte njeri i guxishëm që kurrë nuk frikësohej të mbulonte ngjarje të rrezikshme”.

Në llogarinë e tij në Facebook, Kakar kishte shkruar se pavarësisht sulmeve vetëvrasëse pranë një qendre për regjistrimin e votuesve, ai ishte regjistruar dhe planifikonte të votonte në zgjedhjet parlamentare afgane që do të mbahen më 20 tetor.

Kakar, 30-vjeç nga Kabuli, vdiq vetëm një ditë para se të festonte pesëvjetorin e punësimit në Radion Evropa e Lirë. Ai ka lënë pas gruan dhe një djalë dy vjeç.

Maharram Durrani

Maharram Durrani ishte studente në vitin e tretë dhe studionte Ligjin Islamik në Univeristetin e Kabulit, e cila ishte në pragë të nisjes së karrierës si gazetare.

Durran ishte duke u trajnuar për të marrë pjesë në një program javor të grave në Radion Afganistani i Lirë – punë të cilën pritej që ta niste më 15 maj.

Maharram Durrani

Maharram Durrani

Më herët ajo kishte punuar për një kanal muzikor afgan, që quhej Radio Salam Watandar.

“Kur nisa të punojna në media, njëri prej shefave të parë të mi më pyeti pse unë studioj Ligjin Islamik dhe punoj në media”, Durran kishte thënë për Radion Evropa e Lirë në shkurt, gjatë një programi, ku kishte folur përmes telefonit.

“Ai më kishte thënë se këto dy profesione nuk kanë të përbashkët. Por unë i thash ‘jo, nuk është e vërtetë’”, kishte shpejguar Durrani.

“Kanë shumë lidhje në mes vete sepse media mund të ju ofrojë informacione të gjithë njerëzve”, kishte thënë ajo.

Përgatiti: Mimoza Sadiku

Komentet

Komente

Sqarim: Ndalohen fyerjet dhe përdorimi i gjuhës ofenduese. INFOSOT mban të drejtën e publikimit ose jo të një komenti të caktuar. Përmbajtja e komenteve nuk pasqyron, qëndrim editorial të redaksisë së portalit INFOSOT. Ju faleminderit për mirëkuptimin!


Me 21 inspektorë, MASHT-i do ta vlerësojë performancën e rreth 23 mijë mësimdhënësve

Me 21 inspektorë, MASHT-i do ta vlerësojë performancën e rreth 23 mijë mësimdhënësve

Thaçi dekreton për gjyqtar të Kushtetueses të kërkuarin nga INTERPOL-i

Thaçi dekreton për gjyqtar të Kushtetueses të kërkuarin nga INTERPOL-i

Sejdiu: Thaçi po përdor Luginën për aventura të veta

Sejdiu: Thaçi po përdor Luginën për aventura të veta

Revista Amerikane: Serbia po nxit në heshtje shkëmbimin e territorit me Kosovën

Revista Amerikane: Serbia po nxit në heshtje shkëmbimin e territorit me Kosovën

E lidhi në qese dhe e hodhi! Rrëfehet partnerja e shqiptarit që vrau foshnjen e vet

E lidhi në qese dhe e hodhi! Rrëfehet partnerja e shqiptarit që vrau foshnjen e vet

Surroi: Korrigjimi i kufijve është parim i rrezikshëm për shqiptarët

Surroi: Korrigjimi i kufijve është parim i rrezikshëm për shqiptarët

Nishani: Propozimi i Thaçit destabilizues, nxit konflikte

Nishani: Propozimi i Thaçit destabilizues, nxit konflikte

Matoshi mban mbledhjen e parë të Task Forcës për pastrimin e Kosovës

Matoshi mban mbledhjen e parë të Task Forcës për pastrimin e Kosovës

Janjiq: Vuçiqi e Thaçi qe dy vjet po bisedojnë për ndarje

Janjiq: Vuçiqi e Thaçi qe dy vjet po bisedojnë për ndarje

A po e stërvitin amerikanët FSK-në për t’u bërë ushtri, flet komandanti i ‘Bondsteel’

A po e stërvitin amerikanët FSK-në për t’u bërë ushtri, flet komandanti i ‘Bondsteel’

LDK-ja mbështet themelimin e Kanalit Televiziv për Mërgatën

LDK-ja mbështet themelimin e Kanalit Televiziv për Mërgatën

MPB vitin e ardhshëm synon të fusë në buxhet Ligjin për pensionimin e parakohshëm të Policisë

MPB vitin e ardhshëm synon të fusë në buxhet Ligjin për pensionimin e parakohshëm të Policisë

Scaparrotti: Pres që Maqedonia të bëhet anëtare e NATO-s

Scaparrotti: Pres që Maqedonia të bëhet anëtare e NATO-s

ATK tërheq numrat potencial fitues për rimbursim

ATK tërheq numrat potencial fitues për rimbursim

Izetbegoviq i përgjigjet Daçiqit për Kosovën, e quan nxënës të Millosheviqit

Izetbegoviq i përgjigjet Daçiqit për Kosovën, e quan nxënës të Millosheviqit

Vrasja e dyfishtë, nesër marshohet në Gjakovë

Vrasja e dyfishtë, nesër marshohet në Gjakovë