Fryma armiqësore në zgjedhjet lokale mund t’i përçajë koalicionet në qendër

31.08.2017 16:49
Rreshtat+- AShkronjat+- Printo
Fryma armiqësore në zgjedhjet lokale mund t’i përçajë koalicionet në qendër

Ndonëse kanë lidhur koalicione në nivel qendror, partitë politike do të garojnë të vetme në zgjedhjet lokale që do të mbahen më 22 tetor. Por, gjuha e tyre ndaj kundërkandidatëve do të jetë e kujdesshme, duke marrë për bazë bashkëpunimin në nivel qendror. Megjithatë, analistët thotë se mund të ketë edhe përçarje, sidomos në komunat ku rezultati do të jetë i ngushtë.

PDK-AAK-Nisma dhe partitë tjera, i njohur si koalicioni PAN, u bën bashkë në zgjedhjet e parakohshme parlamentare. I fituan zgjedhjet kundrejt koalicionit tjetër LDK-AKR-Alternativa dhe Lëvizja për Drejtësi, i njohur si koalicioni LAA.

Edhe pse janë bërë diku dy muaj nga certifikimi i zgjedhjeve, koalicioni PAN ende nuk ka arritur t’i formojë institucionet, për shkak se nuk ka vota të mjaftueshme për ta bërë këtë.

Derisa vonohet themelimi i institucioneve qendrore, aq më shumë po afrohen zgjedhjet lokale, të cilat do të mbahen më 22 tetor.

Por sa do të ndikojnë koalicionet në nivel qendror në gjuhën ndaj kundër kandidatëve në nivel lokal?

Partitë kanë vendosur të garojnë të vetme në këto zgjedhje. Por analistët vlerësojnë se koalicionet në nivel qendror pritet të bashkëpunojnë edhe në nivel lokal.

Analisti politik, Imer Mushkolaj, ka thënë për Gazetën Insajderi se koalicionet qendrore do të ndikojnë edhe në zgjedhjet lokale.

“Koalicioni qendror do të determinojë edhe fushatën dhe koalicionet lokale. Partitë politike llogaritë po i bëjnë duke pasur parasysh zgjedhjet lokale”, ka thënë Mushkolaj.

Ai pret që koalicionet qendrore të punojnë kundër rivalëve tjerë politikë.

“Partnerët politikë në koalicionin qendror pres që në fushatë të funksionojnë kryesisht bashkë, karshi partive rivale, por qasja e tyre do të varet edhe nga specifikat e komunave dhe relacionet lokale të partive politike”, ka thënë më tej Mushkolaj.

Por, zgjedhjet lokale mund edhe t’i ‘acarojnë’ marrëdhëniet e koalicioneve në nivel qendror, sidomos në ato komuna ku rezultati është i ngushtë.

Isuf Zejna nga ‘Demokraci Plus’ ka thënë se zgjedhjet lokale mund të ndikojnë edhe në qendër.

“Gjuha e përdorur nga partitë politike në zgjedhjet lokale dhe koalicionet që do të bëhen pas raundit të parë do të kenë një ndikim të madh edhe në qendër”, ka thënë Zejna.

Sipas tij, kjo mund të ndodh sidomos në komunat ku rezultati mes partive është i ngushtë.

“Sidomos në komunat e mëdha të Kosovës ku rezultatet mes partive do të jenë të ngushta”, ka shtuar ai.

Fryma e zgjedhjeve lokale, sipas tij, mund të jetë përcaktuese edhe për koalicionin në nivel qendror.

“Do të kenë edhe ndikimin në përcaktimin e koalicionit qeverisës në vend. Për shembull, është e pamundur në rrethanat tona që LDK dhe Vetëvendosje të jenë bashkë në qeverisje në nivel qendrore e kundërshtarë në Prishtinë”, ka thënë tutje Zejna./Insajderi.com

Komentet

Komente

Sqarim: Ndalohen fyerjet dhe përdorimi i gjuhës ofenduese. INFOSOT mban të drejtën e publikimit ose jo të një komenti të caktuar. Përmbajtja e komenteve nuk pasqyron, qëndrim editorial të redaksisë së portalit INFOSOT. Ju faleminderit për mirëkuptimin!
Konkurs për gazetarë dhe praktikantë
artikull i sponzorizuar


Dy dëshmitarë dëshmojnë në gjykimin për kontrabandim me emigrantë

Dy dëshmitarë dëshmojnë në gjykimin për kontrabandim me emigrantë

Limaj: S’ka më dialog me duar në xhepa

Limaj: S’ka më dialog me duar në xhepa

“Ka fshatra në Kosovë ku imami paguhet 1500 euro”

“Ka fshatra në Kosovë ku imami paguhet 1500 euro”

I akuzuari shpjegon përgjegjësitë e tij rreth fabrikës së privatizuar ‘FAN’

I akuzuari shpjegon përgjegjësitë e tij rreth fabrikës së privatizuar ‘FAN’

Ish-presidenti kroat: Ndryshimi i kufijve mund të çojë drejt një katastrofe dhe lufte të re

Ish-presidenti kroat: Ndryshimi i kufijve mund të çojë drejt një katastrofe dhe lufte të re

Veseli, opozitës: Nuk është kohë zgjedhjesh, orientohuni në mbrojtjen e shtetësisë

Veseli, opozitës: Nuk është kohë zgjedhjesh, orientohuni në mbrojtjen e shtetësisë

Gjuriq: Paqen në rajon nuk e krijojnë vendimet e njëanshme, duhet kompromis Kosovë-Serbi

Gjuriq: Paqen në rajon nuk e krijojnë vendimet e njëanshme, duhet kompromis Kosovë-Serbi

Veseli: Qëndrimi i Gjermanisë është i njëjtë me të Kosovës, jo ndryshim të kufijve

Veseli: Qëndrimi i Gjermanisë është i njëjtë me të Kosovës, jo ndryshim të kufijve

Lekaj: Shtimi i Qendrave të Kontrollit do të zvogëlonte sigurinë në rrugë

Lekaj: Shtimi i Qendrave të Kontrollit do të zvogëlonte sigurinë në rrugë

Dënohet me burg për goditjen e bashkëqytetarit me kondak të alltisë

Dënohet me burg për goditjen e bashkëqytetarit me kondak të alltisë

Franca e interesuar për të investuar në Kosovë në energji të ripërtëritshme

Franca e interesuar për të investuar në Kosovë në energji të ripërtëritshme

Vendet që do të mbesin pa rrymë

Vendet që do të mbesin pa rrymë

Kosova e Kroacia pajtohen të bashkëpunojnë më shumë në drejtësi

Kosova e Kroacia pajtohen të bashkëpunojnë më shumë në drejtësi

Veseli merr mbështetjen e Gjermanisë për liberalizimin e vizave

Veseli merr mbështetjen e Gjermanisë për liberalizimin e vizave

PSD: Partitë opozitare pa ne s’mund ta rrëzojnë Qeverinë

PSD: Partitë opozitare pa ne s’mund ta rrëzojnë Qeverinë

Avni Arifi emërohet ambasador

Avni Arifi emërohet ambasador