Fillon faza e tretë e projektit Mbështetje Përpjekjeve Kundër-korrupsionit në Kosovë (SAEK III) 2020-2024

01.07.2020 10:26
Rreshtat+- AShkronjat+- Printo
Fillon faza e tretë e projektit Mbështetje Përpjekjeve Kundër-korrupsionit në Kosovë (SAEK III) 2020-2024

Programi i Kombeve të Bashkuara për Zhvillim (UNDP) në Kosovë ka kënaqësinë të njoftojë për fillimin e fazës së tretë të projektit Mbështetje Përpjekjeve Kundër-korrupsionit në Kosovë (SAEK III) 2020-2024, i financuar nga qeveritë e Zvicrës (SDC) dhe Suedisë (SIDA).

Fazat e mëparshme të SAEK I (2012-2016) dhe SAEK II (2016-2020) u siguruan institucioneve të Kosovës mbështetje për hartimin e legjislacionit dhe politikave për parandalimin e korrupsionit, udhëzime për gjykata për dënime në rastet e korrupsionit, deklaratave të pasurisë dhe të të ardhurave të zyrtarëve publik, financimin e partive politike dhe ndalimin e pastrimit të parave. Rritja e kapaciteteve të Agjencisë Kundër Korrupsionit rezultoi në 89 dënime, ndërsa platforma për raportimin e korrupsionit kallxo.com ka rezultuar me mbi 50 arrestime dhe aktakuza kundër zyrtarëve të lartë publik. Projekti certifikoi më shumë se 40 ekzaminues të mashtrimeve që punojnë në organet hetimore që mirren me raste të ndërlikuara të korrupsionit dhe krimit financiar.

Deri më tani, SAEK i ka siguruar Kosovës një gamë të gjerë mjetesh elektronike për anti-korrupsion, duke përfshirë sistemin online të deklarimit të aseteve dhe të të ardhurave të zyrtarëve të lartë publik; një sistem të menaxhimit të çështjeve për hetime paraprake të korrupsionit; një mjet online për prokurorinë për hetimin e të dhënave financiare të taksave dhe doganave të objektivave të korrupsionit dhe krimit financiar; Personat e Ekspozuar Politikisht (PEP-sat) dhe bazat e të dhënave për rikuperimin e pasurive për të gjurmuar pasuritë personale dhe të korporatave – i përmendëm vetëm disa.

Përpjekjet e SAEK-ut kanë rezultuar në atë që Kosova tani të ketë ekspertizë të brendshme për hetimin e krimit financiar, përdorimin e rregullt të mjeteve elektronike anti-korrupsion posaçërisht të dizajnuara dhe bashkëpunim të fuqishëm ndërinstitucional – ku të gjitha këto janë themel për një sistem efikas anti-korrupsion. Duke u mbështetur në këto rezultate, SAEK III synon të forcojë më tej transparencën dhe llogaridhënien duke u përqëndruar në rikuperimin e aseteve të vjedhura të fshehura. Në ceremoninë virtuale të nënshkrimit, Përfaqësuesja e Përhershme e UNDP-së Maria Suokko deklaroi se: “Përpjekjet e përbashkëta për të luftuar korrupsionin janë veçanërisht të rëndësishme në këtë kohë të pandemisë globale COVID-19 kur autoritetet përballen me një krizë që nuk është vetëm shëndetësore – është kjo një krizë zhvillimore komplekse që ka prekur të gjitha fushat e jetës përfshirë edhe qeverisjen. Tani, më shumë se kurrë, është e rëndësishme që fondet publike të përdoren në mënyrë efikase dhe transparente për ata që kanë më shumë nevojë. “

Ambasadori i Zvicrës, Sh.T. Jean-Hubert Lebet dhe Ambasadorja e Suedisë, Sh.S. Karin Hernmarck Ahliny në deklaratën e tyre të përbashkët theksuan që: “Ne jemi të bindur që qytetarët e Kosovës meritojnë një të ardhme më të mirë, ku askush nuk është mbi ligjin. Kjo është arsyeja pse ne duam të ndihmojmë më tej institucionet kryesore në Kosovë në luftën e tyre kundër korrupsionit dhe rikuperimin e pasurive të vjedhura. Instrumentet kryesore janë të vendosura, por pas shumë vitesh premtime, mungesa e mbështetjes politike vazhdon të pengojë përpjekjet për të luftuar korrupsionin. Ne presim vendosmëri më të fortë dhe rezultate më të prekshme.”

UNDP SAEK reshtohet me partnerët puna e të cilëve është të zbuloj dhe ndjek penalisht ata të cilët keqpërdorin fondet publike për përfitime personale dhe, që është edhe më me rëndësi, që asetet e vjedhura të rikuperohen dhe t’i kthehen buxhetit publik për ti përdorur për nevojat e popullit.

“UNDP falenderon përzemërsisht qeveritë dhe popujt e Zvicrës dhe Suedisë, SDC-në dhe SIDA-në për përkrahjen dhe besimin ndaj punës tonë. Së bashku do të vazhdojmë të ndihmojmë në përmirësimin e jetës së qytetarëve përmes një qeverisje transparente dhe llogaridhënëse dhe të sigurojmë që korrupsioni të mos tolerohet as tani në kohë krize e as në rrethana normale”, bën të ditur Programi i Kombeve të Bashkuara për Zhvillim (UNDP) në Kosovë.

Komentet

Komente

Sqarim: Ndalohen fyerjet dhe përdorimi i gjuhës ofenduese. INFOSOT mban të drejtën e publikimit ose jo të një komenti të caktuar. Përmbajtja e komenteve nuk pasqyron, qëndrim editorial të redaksisë së portalit INFOSOT. Ju faleminderit për mirëkuptimin!


Fillon faza e tretë e projektit Mbështetje Përpjekjeve Kundër-korrupsionit në Kosovë (SAEK III) 2020-2024

Fillon faza e tretë e projektit Mbështetje Përpjekjeve Kundër-korrupsionit në Kosovë (SAEK III) 2020-2024

Ministri Zemaj e konsideron lajm dekurajues shpalljen si të pavlefshëm të Ligjit për Pagat në Sektorin Publik

Ministri Zemaj e konsideron lajm dekurajues shpalljen si të pavlefshëm të Ligjit për Pagat në Sektorin Publik

Një person në Gjakovë inskenon situatën e rrëmbimit për të përfituar para nga familja

Një person në Gjakovë inskenon situatën e rrëmbimit për të përfituar para nga familja

Gjendet pa shenja jete një person në Vushtrri – dyshohet të ketë bërë vetëvrasje

Gjendet pa shenja jete një person në Vushtrri – dyshohet të ketë bërë vetëvrasje

Një e infektuar me Covid-19 në Vushtrri nuk ka respektuar masat e vetizolimit

Një e infektuar me Covid-19 në Vushtrri nuk ka respektuar masat e vetizolimit

Armëmbajtje pa leje në Istog

Armëmbajtje pa leje në Istog

Aksident trafiku në Prizren

Aksident trafiku në Prizren

Elez Biberaj emërohet drejtor në detyrë i Zërit të Amerikës

Elez Biberaj emërohet drejtor në detyrë i Zërit të Amerikës

Rastet e reja me Covid-19 vijnë nga këto komuna

Rastet e reja me Covid-19 vijnë nga këto komuna

Dy ditët e Ramës në Kosovë, qëllimi i vizitës dhe mesazhet që la

Dy ditët e Ramës në Kosovë, qëllimi i vizitës dhe mesazhet që la

Zemaj thotë se situata me koronavirusin është nën kontroll, mohon se s’ka vende në Infektive

Zemaj thotë se situata me koronavirusin është nën kontroll, mohon se s’ka vende në Infektive

Në Komunën e Podujevës 28 raste aktive me coronavirus

Në Komunën e Podujevës 28 raste aktive me coronavirus

Turqi, numri i rasteve me COVID-19 i afrohet shifrës 200.000

Turqi, numri i rasteve me COVID-19 i afrohet shifrës 200.000

Edhe dy të vdekur nga koronavirusi njofton IKSHPK

Edhe dy të vdekur nga koronavirusi njofton IKSHPK

Nënkryetari i PSD-së: Specialen më mirë ta kishte themeluar OKB-ja se që e bëri vet Kosova

Nënkryetari i PSD-së: Specialen më mirë ta kishte themeluar OKB-ja se që e bëri vet Kosova

Cakaj akuzon Vetëvendosjen se ka pasur agjendë për thellim të hendekut në mes të Kosovës dhe Shqipërisë

Cakaj akuzon Vetëvendosjen se ka pasur agjendë për thellim të hendekut në mes të Kosovës dhe Shqipërisë