Karl Schoenrock nga Alberta e Kanadasë, është nervozuar me lajmet për demin Knickers që peshon 1,400 kilogram, i cili jeton në Australinë Perëndimore.

Sipas fermerit kanadez, demi tij Dozer ka peshë të njëjtë me të, por është i gjatë 196 centimetra, për dy centimetra më i madh se australiani, transmeton Telegrafi.

Gruaja tij Raelle, që kujdeset për fermën, e përshkruan demin si ‘gjigant të butë’ që nuk dallon prej të tjerëve, përpos me përmasat gjigante.

Sikurse Knickers edhe Dozer, kishte ardhur në jetë në një fermë ku kultivohen gjedhe për prerje. Mirëpo, format gjigante kanë bërë që ta lënë anash, për shkak se ishte i papërshtatshëm për hapësirat e thertores.

“Po thonë se në fermën australiane është një dem kolosal, duhet të krahasohej fillimisht me atë që e kam unë”, ka thënë Schoenrock.

Duket se që të dy janë më të vegjël, se demi Bellino që jeton në Itali dhe ka hyrë në Librin e Rekordeve të Ginisit. /Telegrafi/