Facebook pezullon 200 aplikacione në hetimin e keqpërdorimit të të dhënave

E publikuar: 15/05/2018 17:07
Rreshtat+- AShkronjat+- Printo

Pas skandalit të Cambridge Analytica, Facebook po punon shumë për ta bërë veten më të sigurt. Pas hetimit të mijëra aplikacioneve, Facebook pezullon 200 aplikacione deri më tani në hetimin e keqpërdorimit të të dhënave.

Pas skandalit të të dhënave të Cambridge Analytica, Facebook tha se do të fillonte një hetim tërësor të të gjitha aplikacioneve në platformën e saj. Kompania thotë se tani ka hetuar mijëra aplikacione. Si rezultat, Facebook pezullon 200 aplikacione që tani janë në pritje të një hetimi. Facebook ka thënë në lidhje me aplikacionet e pezulluara: “Deri më tani janë hetuar mijëra aplikacione dhe rreth 200 janë pezulluar – në pritje të një hetimi të plotë nëse ata në fakt keqpërdorën ndonjë të dhënë.

Nëse gjejmë dëshmi se këto ose aplikacione të tjera keqpërdorin të dhënat, ne do t’i ndalojmë ata dhe do të njoftojmë njerëzit nëpërmjet kësaj faqeje interneti [“Si mund të tregoj nëse një aplikacion mund të ketë keqpërdorur informacionet e mia në Facebook”].

Do t’u  tregojë njerëzve  nëse ata ose miqtë e tyre kanë instaluar një aplikacion që keqpërdori të dhënat para 2015 – ashtu siç bëmë për Cambridge Analytica.”

Hetimi ndahet në dy pjesë: identifikimin e sjelljeve të dyshimta si shkarkimet e mëdha të të dhënave duke kërkuar për të parë nëse të dhënat janë  keqpërdorur. Megjithatë, Facebook kishte “ekipe të mëdha” të ekspertëve të brendshëm dhe të jashtëm që punonin në hetim.

Cambridge Analytica u mbyll më parë këtë muaj duke fajësuar një “rrethim mediatik”. Megjithatë, disa raporte pretenduan se mund të rihapet si pjesë e një kompanie më të re të quajtur Emerdata. /PCWorld Albanian