Eurodeputeti Flenckenstein thotë se liberalizimi i vizave do të ndodh shumë shpejt

E publikuar: 11/04/2019 13:48
Rreshtat+- AShkronjat+- Printo

Knut Flenckenstein, anëtar i Parlamentit Evropian tha se duhet shumë durim në procesin e liberalizimit të vizave për kosovarët.

Por Fleckenstein në konferencën “Iniciativa e Dimensionit Social” (IDS) për Ballkanin Perëndimor “Mos përjashtimi i askujt në procesin e integrimeve te BE-së”, theksoi se Parlamenti Evropian është në anën e kosovarëve dhe se ata po i bëjnë presion atyre që ta shtyjnë përpara këtë çështje.

“Kur menduam për këtë iniciativë të dimensionit social. Ishte e qartë pasi kur flasim për integrimin evropian flasim për vlerat, por ne disi e kemi shpërfillur dimensionin social të këtij procesi”.

“Nëse niveli social nuk përmirësohet atëherë gjendja do të jetë e vështirë. Nëse presim politikanët do të jeni të humbur këto procese duhet të zhvillohen paralelisht me shoqërinë civile”, tha ai, raporton EO.

“Në Kosovë kemi hedhur një hap më tej se sa në vendet tjera. E di që di ju duhet shumë durim për procesin e liberalizimit të vizave, por PE-ja për herë të dytë ka dhënë një votë për dhe ndihemi të turpëruar që Këshilli ka shtyr këtë çështje ne jemi në anën tuaj dhe ne po i bëjmë presion atyre që ta shtyjnë përpara këtë çështje, sepse ju e meritoni këtë ditë dhe kjo ditë është afër”.