Ministri i Tregtisë dhe Industrisë Endrit Shala duket i lumtur në një fotografi të publikuar në shoqërinë e kryeministrit të Shqipërisë Edi Rama.
Kjo ndoshta për faktin se Rama mund të ketë mbështetur Kosovën në aplikimin e taksës 100 për qind për produktet serbe dhe boshnjake.
“100 për qind’ është mbishkrimin në fotografinë e Shalës me Ramën.
Ministri i Financave në qeverinë Rama, Arben Ahmetaj, dje u shpreh kundër taksës për produktet serbe dhe boshnjake.
Qëndrimin e tij të publikuar në Facebook ai e fshiu pasi mori kritika të shumta.
Ndërkohë po sonte Ministri i Arsimit SHyqri Bytyqi ka treguar se në mes të Kosovës dhe Shqipërisë së shpejti nuk do të aplikohet asnjë taksë.
