Ende nuk është përmbyllur fiskalizimi i pikave të karburanteve

22.09.2017 10:09
Rreshtat+- AShkronjat+- Printo
Ende nuk është përmbyllur fiskalizimi i pikave të karburanteve

Në Kosovë ende nuk ka përfunduar procesi i montimit të pajisjeve specifike fiskale në aparatet e pikave të shitjes nëpër pikat e karburanteve, proces ky që ka filluar në vitin 2014. Këtë informacion e konfirmojnë vet zyrtarët e Administratës Tatimore të Kosovës (ATK).

Sipas të dhënave të ATK-së, janë 349 biznese që merren me shitjen e derivateve të naftës, me 559 njësi në gjithë territorin e Kosovës.

Por, numri i bizneseve të fiskalizuara me sisteme fiskale është 262, kurse 560 aparate janë pajisur me arka të veçanta fiskale, thotë Valentin Bytyqi-Sefa, zëdhënëse në Administratën Tatimore të Kosovës.

Ajo tha për Radion Evropa e Lirë se nga “ky numër, të gjithë operatorët e mëdhenj janë fiskalizuar, kurse një numër tjetër kanë paguar pajiset dhe janë në pritje për instalim. Ndërkaq, ato të cilat nuk kanë bërë pagesën, ATK-ja ka marrë masa ligjore për mbylljen e tyre deri tekfinalizimi final”.

Por, ndryshe nga të dhënat e Administratës Tatimore të Kosovës, Shoqata e Naftëtarëve vlerëson se në Kosovë veprojnë mbi 700 operatorë të naftës.

Kryetari i kësaj shoqate Fadil Berjani tha për Radion Evropa e Lirë se nga koha e uljes së çmimit të pajisjeve, pa u fiskalizuar kanë mbetur vetëm pikat e karburanteve që operojnë në vise rurale dhe që kanë qarkullim të ulët financiar.

“Nuk ka arsye, që asnjë pikë e karburantit të mos fiskalizohet. Sepse ne të gjithë e kemi pranuar këtë proces. Çmimi është ulur në rreth 4.000 euro, që konsiderohet i arsyeshëm”.

“Sa i përket 10 për qind të pikave të shitjes që kanë mbetur të pafiskalizuara, janë ato që nuk e kanë qarkullimin mjaftueshëm që mund t’i nënshtrohen këtij procesi. Kemi pika karburanti në vendet rurale, ku qarkullimi është shumë i dobët dhe ndoshta mendojnë të largohen nga kjo veprimtari”, tha Berjani.

Pikat e karburanteve të naftës edhe në vitin 2010 ishin pajisur me arka fiskale, por autoritetet kompetente kishin kërkuar që të pajisen edhe me arka tjera speciale fiskale, që duhet të montohet në çdo dispanser (aparat ku shitet qoftë nafta, qoftë benzina).

Ndryshe, udhëheqës të Shoqatës së Operatorëve të Licencuar për Pajisje Elektronike Fiskale, thonë se janë të gatshëm për t’i pajisur pikat e karburantëve me sisteme fiskale.

Kestrin Kumnova, përfaqësues i Shoqatës së Operatorëve të Licencuar për Pajisje Fiskale, thotë për Radion Evropa e Lire se mospërfundimi i këtij procesi po ndodh për shkak të neglizhencës se ATK-së.

“Çmimet e pajisjeve të aparateve fiskale janë më të lirat në rajon me vetëm 3400 euro. Mirëpo, dinamika e ATK-së nuk është e shpejtë dhe ende shumë pika të karburanteve të naftës kanë mbetur të pafiskalizuara”.

“Shqetësuese po ashtu mbetet edhe mosfiskalizimi i kompanive të taksive që kanë rreth gjashtë milionë euro qarkullim vjetor si dhe i kompanive të sigurimeve”, ka thotë Kumnova.

Ndryshe, nëpërmjet këtij projekti, Administrata Tatimore e Kosovës pritet të ketë një kontroll më të madh të parave në qarkullim, pasi potenciali i këtij sistemi është që të regjistrojë të gjitha hyrjet dhe daljet në çdo pikë të shitjes.

Komentet

Komente

Sqarim: Ndalohen fyerjet dhe përdorimi i gjuhës ofenduese. INFOSOT mban të drejtën e publikimit ose jo të një komenti të caktuar. Përmbajtja e komenteve nuk pasqyron, qëndrim editorial të redaksisë së portalit INFOSOT. Ju faleminderit për mirëkuptimin!


Haradinaj: S’ka amnisti, duhet të ndodhë e kundërta

Haradinaj: S’ka amnisti, duhet të ndodhë e kundërta

Thaçi e Rama në ceremoninë e inaugurimit të Erdoganit, aty do të jetë edhe Vuçiqi

Thaçi e Rama në ceremoninë e inaugurimit të Erdoganit, aty do të jetë edhe Vuçiqi

Salvini: Mbyllim portet për anijet e misioneve ndërkombëtare që sjellin emigrantë

Salvini: Mbyllim portet për anijet e misioneve ndërkombëtare që sjellin emigrantë

Opozita në Maqedoni kërkon amnisti për dhunën në Kuvend

Opozita në Maqedoni kërkon amnisti për dhunën në Kuvend

Përpjekje për shpëtimin e djemve në një shpellë në Tajlandë

Përpjekje për shpëtimin e djemve në një shpellë në Tajlandë

Presidenca e mohon se në dialog u diskutua që të amnistohen krimet e luftës në Kosovë

Presidenca e mohon se në dialog u diskutua që të amnistohen krimet e luftës në Kosovë

Sejdiu: Kosovës s’i duhen kompromise të reja me Serbinë

Sejdiu: Kosovës s’i duhen kompromise të reja me Serbinë

Dittmann: Normalizimi me Kosovën, kusht për anëtarësimin e Serbisë në BE

Dittmann: Normalizimi me Kosovën, kusht për anëtarësimin e Serbisë në BE

Pesë viktima në aksident trafiku në Suharekë

Pesë viktima në aksident trafiku në Suharekë

Pompeo: sanksionet ndaj Phenianit do të vazhdojnë

Pompeo: sanksionet ndaj Phenianit do të vazhdojnë

Në pritje të ligjit të ri, Komisioni anti-korrupsion mbetet i bllokuar

Në pritje të ligjit të ri, Komisioni anti-korrupsion mbetet i bllokuar

Drecun: Është fazë e mundshme e zgjidhjes së dakorduar për Kosovën

Drecun: Është fazë e mundshme e zgjidhjes së dakorduar për Kosovën

Lidhjet familjare e partiake “kritere” për punësim

Lidhjet familjare e partiake “kritere” për punësim

Oluja kroate ia tregon vendin Rusisë (Video)

Oluja kroate ia tregon vendin Rusisë (Video)

Japoni, 49 të vdekur nga rrëshqitjet e dheut

Japoni, 49 të vdekur nga rrëshqitjet e dheut

Ramush Haradinaj i shkon në shtëpi Isa Mustafës

Ramush Haradinaj i shkon në shtëpi Isa Mustafës