Eksplodimi i kontrolluar e ktheu në pluhur ndërtesën me 15 kate, brenda dhjetë sekondave (Video)

E publikuar: 28/03/2018 18:08
Rreshtat+- AShkronjat+- Printo

Ndërtesa me 15 kate, që ndodhej në Sichuan të Kinës, është kthyer në një re pluhur brenda dhjetë sekondave.

Zona ishte evakuuar dhe banesat që ndodheshin afër u izoluan, shkaku i pluhurit dhe ndonjë fatkeqësie të mundshme, transmeton Telegrafi.

Pamjet e realizuar me telefon mobil, e tregojnë objektin e lartë 45 metra, që është kthyer në mbeturina të forta. Por, kjo shembje e përkryer, u finalizua pas gjashtë muaj intervenimesh.

Gjatë muajit shtator, ishin rrënuar me dinamit disa prej mbajtëseve kryesore. Pastaj shtyllat ishin prerë në mes, si dhe u vendosën eksploziv në themel dhe muret kryesore të objektit.

Më poshtë mund të shihni momentin e eksplodimit të kontrolluar, që u krye krejtësisht sipas planit. /Telegrafi/